由麥明詩、麥子樂、黃德斌、陳雅麗、黃又南領銜主演的「亞洲心動娛樂」網劇《逐流時代》，開播以來話題十足，其中近年轉戰法律界的麥明詩，在劇中跟麥子樂與黃德斌的情慾戲更成熱討話題，繼麥子樂與麥明詩的激咀戲後，日前更播出二人在天台「激戰」場面，尺度大膽，而拍攝期間麥子樂只身穿肉色底褲上陣，難怪他大叫尷尬。
麥子樂同麥明詩喺天台「激戰」。
劇情講述麥子樂與麥明詩在樓梯激咀，邊錫邊到天台，然後情不自禁「激戰」，麥子樂透露拍攝過程順利，而埋位前二人亦溝通好及試了多次位，不過為了營造出露股視覺，麥子樂只身穿肉色底褲上陣：「我覺得拍呢類戲，通常男仔會畀女仔尷尬同緊張，好彩拍呢場戲時，同明詩都合作咗一段時間，感情好好，我哋可以好好溝通，所以拍攝係順利而且點到即止，一兩take就完成，不過我真係好尷尬，因為而家唔係去游水嘛，我淨係着住條底褲，現場咁鬼多人。」
麥子樂話同麥明詩溝通得好好，拍攝時候都好順利。
西裝焗汗唔使減肥
問到麥子樂可有為今次拍攝而操肌？他指自己一向有操開，沒有為角色而刻意操肌，他謂：「冇特別操肌同節食，因為拍呢套戲係夏天，我嘅戲服係着五層嘅西裝，每日嘅排汗量超多，唔使減肥。」
跟麥明詩首次合作，麥子樂大讚對方健談兼醒目：「合作過後，我對她有啲改觀，起初我對佢觀感係好Cool，但原來熟咗之後，佢份人都幾熱情，而且仲好好傾。」自入行以來，麥子樂拍過不少感情戲，而且不時挑戰尺度，問到他可有覺得自己艷福無邊？他笑說：「營幕前我嘅感情好豐富，監製、導演好錫我，畀好多感情戲我，可能佢哋知我現實中冇啩。」
其中一場喺泳池邊嘅戲份，麥明詩搏到盡三點式上陣。
騷誘人身材。
跳落水。
再上水。
睇到麥子樂眼定定。
麥子樂向來有操肌。
更多第5波疫情資訊，請到以下專頁瀏覽按此
立即下載 | 全新《星島頭條》APP: https://bit.ly/3yLrgYZ
