於八、九十年代拍過多部港產片的陳勳奇，近年轉戰內地發展，已年屆70歲的他好跟得上潮流，近日更玩埋抖音。早前移居內地的台灣藝人劉畊宏在抖音教健身操成為熱話，陳勳奇睇見都做埋一份，仲Tag埋劉畊宏，似係想向人挑機。
陳勳奇近年大多於內地發展。
早前移居內地的台灣藝人劉畊宏在抖音教健身操成為熱話。
陳勳奇本身熱愛中國武術，年輕時學習過龍形拳和螳螂拳，日前他於抖音片中大耍「龍拳」，不過應該都係搞笑路線居多，片中他瘋狂拍打自己雙腳，又跳跳紮，後方有兩個後生女喺度跟住陳勳奇做拍腿動作，一個着長裙，一個着短褲，三個人完全唔同步，各有各做，最後陳勳奇擺返個有型Pose，連兩位女士都忍唔住笑，條片相當無厘頭。內地網民都大讚陳勳奇好精神，70歲仲可以跳跳紮真係好靈活，又提醒他要小心扭親。
龍拳！
雖然話係認真版，不過都係有啲搞笑。
後面兩位女士好似被迫拍片咁。
後面兩位女士完全跟唔上。
大家有冇睇到心跳加速？
擺返個ending pose。
網民大讚陳勳奇好靈活。
更多第5波疫情資訊，請到以下專頁瀏覽按此
立即下載 | 全新《星島頭條》APP: https://bit.ly/3yLrgYZ
