5人女團STRAYZ成員夾5位數出道。
Previous Next

ViuTV真人騷《全民造星IV》為樂壇提供咗三隊女團，包括官方女團COLLAR，40強嘅8人女團Lolly Talk，及由阿VAL（趙展彤）及CK（黃斯琪）自發組成的20強組合STRAYZ，5人以獨立組合形式行走江湖，自負盈虧。副隊長CK坦言冇後台backup，出第一首歌及拍MV，成員要夾5位數出嚟，所以乜都慳住使，條路唔易行。採訪：方騫平 攝影：沈健程 服裝：PortsPure

STRAYZ成員隊長阿VAL(左起)、Ariel、暐翹、副隊長CK、榛綦。
STRAYZ成員隊長阿VAL(左起)、Ariel、暐翹、副隊長CK、榛綦。
《造星IV》為樂壇提供咗三隊女團，包括自發組成的20強組合STRAYZ。
《造星IV》為樂壇提供咗三隊女團，包括自發組成的20強組合STRAYZ。
STRAYZ成員榛綦(前左)、副隊長CK(前中)、隊長阿VAL(前右)、暐翹(後左)及Ariel(後右)一拍即合。
STRAYZ成員榛綦(前左)、副隊長CK(前中)、隊長阿VAL(前右)、暐翹(後左)及Ariel(後右)一拍即合。

成立STRAYZ全因趙展彤有一日覺得好無聊，「冇乜嘢做，搞個女團玩吓，第一時間撩CK組團。」CK唯一要求就係排舞及走位都要單數，所以5人組合最合適。隊長阿VAL表示，組員榛綦（何榛綦）、Ariel（曾家瑩）及暐翹（林暐翹）都係心水之選，特別係外型同才華都好好嘅榛綦屬首選，隊長坦言冇諗過全部都一口答應。

當日阿VAL無聊發起做女團，搵埋老友CK幫手成團。
當日阿VAL無聊發起做女團，搵埋老友CK幫手成團。

入唔到COLLAR冇失望
提到當日COLLAR經理人阿Wing有搵CK為COLLAR作歌但最後唔成事， CK表示：「阿Wing知我鍾意音樂，搵我幫手做音樂，但去到決賽階段有自己嘅作品，所以先專注參賽，咁我入唔到COLLAR冇失望嘅，畀時間自己調節吓都好，否則唔會有STRAYZ。」阿VAL直認組合似流浪嘅孤兒，故改名STRAYZ(流浪者)，CK更正說：「又冇咁極端嘅，只係喺我哋當中尋找共通點，發現都係《造星IV》落選20強，而且大家都係唔鍾意被綑綁嘅自由個體，呢啲個體放埋一齊就變咗組合。」

5人為出道做宣傳，希望吸納到廣告增加收入。
5人為出道做宣傳，希望吸納到廣告增加收入。

阿VAL點頭補充：「我哋仲有一個共通點，係冇放棄過追夢，係緣份將我哋Group埋一齊。我會堅持幾耐得幾耐，一日未死都會繼續。」暐翹舉手支持：「我好鍾意表演想做屬於自己嘅音樂，長遠目標開到演唱會。」CK指STRAYZ會專注音樂，但未定性係乜嘢組合，除咗唱跳唔排除會試吓搞笑嘢；曾經係家燕媽媽旗下少女組合Honey Bees成員嘅榛綦都想試吓戲劇方面，另外阿VAL亦會單飛發展。

阿VAL曾參加《超級巨聲》，所以得到同聲同氣嘅導師許廷鏗力橕。
阿VAL曾參加《超級巨聲》，所以得到同聲同氣嘅導師許廷鏗力橕。
榛綦好啱做幕前，成為STRAYZ首選成員。
榛綦好啱做幕前，成為STRAYZ首選成員。
暐翹(左2)喺《造星IV》跟B4組員Sica、東東及Liu哥性感地跳唱。
暐翹(左2)喺《造星IV》跟B4組員Sica、東東及Liu哥性感地跳唱。
暐翹否認曾欺凌「肥美人」Lezlie，強調對方只係同校師姐，但從冇接觸過。
暐翹否認曾欺凌「肥美人」Lezlie，強調對方只係同校師姐，但從冇接觸過。

Ariel做PT搵錢追夢
STRAYZ屬獨立女團，五人要真金白銀拎錢出嚟做歌，暫時夾咗5位數。年紀最細只得17歲，獲阿Dee(何啟華)力撐嘅「死𡃁妹」Ariel為此要做兼職沖奶茶。CK說：「我哋慳得幾多得幾多啦！其實真係唔容易，我哋5個人，比獨立歌手仲要難5倍，當中遇到嘅困難、不甘、釋懷會喺新歌中表達。」另成員亦唔會其他女團比較，覺得一齊為樂壇努力及追夢，百花齊放最好。

COLLAR今年1月12日出道，第三首單曲《Gotta Go!》涉抄襲搞到好大件事。
COLLAR今年1月12日出道，第三首單曲《Gotta Go!》涉抄襲搞到好大件事。
另一隊自組嘅女團Lolly Talk成員分別有Yanny、Sinnie、MeiMei、阿蛋、Tania、Elka、阿妹及阿Yo。
另一隊自組嘅女團Lolly Talk成員分別有Yanny、Sinnie、MeiMei、阿蛋、Tania、Elka、阿妹及阿Yo。
阿Dee好錫Ariel，寫千字文為佢打氣外，仲安排好兄弟幫佢總決賽排舞。
阿Dee好錫Ariel，寫千字文為佢打氣外，仲安排好兄弟幫佢總決賽排舞。
Ck同COLLAR成員邱彥筒（Marf）係好朋友，兩人會互相鼓勵。
Ck同COLLAR成員邱彥筒（Marf）係好朋友，兩人會互相鼓勵。

更多新冠疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ