張子丰（Fred）最近推出原創新歌《保持通話》，跟過往作品《爛片王》、《痴心情長劍》及《完美情人》一樣，用戲名嚟做歌名。原來Fred好鍾意古天樂主演嘅電影《保持通話》，問到Fred眼中嘅古仔係咪完美情人？他笑說：「我眼中嘅完美情人得一個要求，一定要鍾意睇周星馳嘅戲！」 採訪：方騫平
張子丰《保持通話》MV帶有科幻元素。
張子丰最近推出原創新歌《保持通話》MV冇縮皮。
Fred相隔兩年再出原創歌《保持通話》，新歌配合電子曲風走輕快路線，帶點sweet同以往唱嘅慘情歌唔同：「疫情下大家都覺得沉悶，都好想聽吓開心嘅歌。」
歌曲中講到同女主角失聯，要利用當時嘅科技去尋找對方。
張子丰揀女友要識欣賞星爺。
六位數拍MV
《保持通話》MV帶有科幻元素，講述3個時空嘅男女主角，分別利用當時嘅科技去尋找對方，設法與對方聯絡，仲搵嚟中法混血兒網紅J Lou（林欣）做女角，飾演50年代嘅美國發明家「藍牙之母」Hedy Lamarr。就算疫情下影響到各行各業收入，但Fred堅持MV要有質素唔會縮皮，仲喺公司搭咗個太空艙景，花近6位數字製作，拍得相當唯美：「首歌喺去年開始籌備，疫情下被迫停咗一陣工，不過冇得再等，只能盡做。」
Fred跟網紅J Lou首次合作，但又幾合拍。
花咗兩日時間拍攝《保持通話》MV，仲喺公司搭咗個太空艙景。
Fred坦言好鍾意古天樂嘅電影，而周星馳更加係佢超級偶像：「我特別鍾意《逃學威龍》會睇無限次，因為佢係入面太靚仔太有型喇！星爺係個聰明人，先能夠做到喜劇之神嘛！所以將來嘅對象一定要鍾意睇周星馳嘅戲，否則同佢溝通唔到。」
Fred最鍾意翻睇周星馳嘅《逃學威龍》，大讚百看不厭。
Fred話古天樂嘅電影《保持通話》相當刺激。
Fred同另一個Fred鄭俊弘都係「星粉」，前者更擔任後者結婚時的兄弟。
Fred對上一首原創歌《完美情人》已是兩年前嘅事。
更多新冠疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
