艾威疫下手鬆頻借錢助友報恩 。
Previous Next

年前，63歲嘅艾威為幫前妻醫重病花光積蓄，仲欠債百萬，好彩富貴朋友主動話唔使還。疫情下眼見唔少同行失業陷財困，艾威自爆合共借咗六位數字畀朋友舒困：「當如報答我嘅恩人囉。」採訪：方騫平 場地：時光里程

艾威話自己天生樣衰被迫做奸角，所以從來同獎項冇緣。
艾威話自己天生樣衰被迫做奸角，所以從來同獎項冇緣。
艾威內心十分善良。
艾威內心十分善良。

艾威視早前播完嘅《家族榮耀》為代表作，對於等咗43年先有代表作？他笑住自嘲：「哈…梗係有嘢係自己做錯，我諗樣衰就冇得改，又唔肯去整容，而且成日做奸角，所謂相由心生，成日想去害人個樣點會好呀？呢方面我同陳錦鴻都有同感，所以佢唔再做反派，我就冇得揀喇！」

艾威在《家族榮耀》中，揭發楊茜堯遊艇偷情一幕演得七情上面。
艾威在《家族榮耀》中，揭發楊茜堯遊艇偷情一幕演得七情上面。
2015年跟林文龍為HKTV拍過劇集《三面形醫》。
2015年跟林文龍為HKTV拍過劇集《三面形醫》。
當年他跟黃宗澤及鄧麗欣等為TVB拍青春劇《家戀愛自由式》。
當年他跟黃宗澤及鄧麗欣等為TVB拍青春劇《家戀愛自由式》。

網騙呃人趁火打劫

艾威由演戲講到做人，「虛榮心好普通，識朋友都鍾意搵個有錢啦；亦有啲若無其事問人借錢，開完工就順口話借兩0舊下次畀返你；仲有啲滿口仁義道德，轉頭就傷天害理…」他又自爆早前網購澳門雙重蝦子麵被騙咗300幾蚊，相當激氣：「我命中注定俾人呃，我又為食，見到銀碼唔大，啱啱網購完紅酒都OK，點知今次中咗招。」艾威力斥呢啲叫趁火打劫：「都舉報唔到，我只可以話善惡到頭終有報，𠵱家大家唔係過緊好日子，劫富濟貧就OK啫，有啲人訂糧係因為出街唔方便，300幾蚊對一啲人嚟講可以頂幾餐。」

艾威由演戲講到做人。
艾威由演戲講到做人。
發哥成為集郵目標，艾威都唔錯過變身小粉絲。
發哥成為集郵目標，艾威都唔錯過變身小粉絲。

要有走數心理準備

疫境下，艾威慶幸工作尚算OK，可以自資十萬蚊出歌《甘草》兼拍MV，滿足吓自己，同埋仲有能力借咗6位數字畀朋友。問到唔怕走數咩？他大笑說：「講咗啲人會唔還喎…但其實要有呢個心理準備，唔好對佢哋嘅承諾寄予厚望，咁樣仍然會有朋友做。以前我問人借過錢都係咁諗，只不過我信譽好啲，除咗嗰筆過百萬醫藥費叫還晒錢，雖然我朋友主動話送畀我，但都係我欠人嘅，既然我『手鬆』時有能力，咪將人哋幫我嘅能力，轉移返喺人哋身上，當係還錢。」艾威表示有Mark返低條數，希望有生之年畀返恩人睇，希望佢知道冇幫錯人。他又指借錢有學問，借過唔還唔會再借：「仲有啲人相識滿天下，問我借係知我唔會講出去，呢啲我都唔會借，我唔想因為佢要面子累我財困。」

雖然同當時太太Lisa孭咗百萬醫藥費後，兩公婆都係離婚收場，但再見亦是朋友。
雖然同當時太太Lisa孭咗百萬醫藥費後，兩公婆都係離婚收場，但再見亦是朋友。
當年艾威同太太收養伯恩山愛犬Sashimi，𠵱家「兩父子」相依為命。
當年艾威同太太收養伯恩山愛犬Sashimi，𠵱家「兩父子」相依為命。
艾威在內地登台好有市場，可惜疫情影響好耐冇登台。
艾威在內地登台好有市場，可惜疫情影響好耐冇登台。
疫情下，艾威帶埋愛犬開工。
疫情下，艾威帶埋愛犬開工。
艾威喺老師及監製指導下錄歌，呢個年紀仍然相當進取。
艾威喺老師及監製指導下錄歌，呢個年紀仍然相當進取。
艾威好欣賞李小龍語錄「盡其在我」，笑說疫情下會有好多嘢諗，蓋棺時倒轉寫成「我在其盡」都用得著。
艾威好欣賞李小龍語錄「盡其在我」，笑說疫情下會有好多嘢諗，蓋棺時倒轉寫成「我在其盡」都用得著。

 更多新冠疫情資訊，請到以下專頁瀏覽
(按此)  
立即下載 | 全新《星島頭條》APP : https://bit.ly/3yLrgYZ