《大叔的愛》劇照
完約3個月後仍被前上司要求「執手尾」？有曾任大學兼職講師的網民表示，任職時的薪資低微，卻被前上司不斷要求做過量的工作，而且工作合約於今年2月完結後，對方竟在本月底致電他幫忙重新改卷！
該名網民向社交媒體Facebook專頁「奴工處」投稿，指任職大學兼職講師時，前上司已不斷要求他完成過量的工作，而且初時完全不說明課程及評估要求，卻在他批改完功課及考卷後才說明要求，再不斷要求他修訂，「將一份part-time工變成full-time」，更形容薪資「連清潔阿嬸都不如」。
樓主指，最過分的是工作合約完結後3個月，前上司竟致電他要求他回校改卷，基於驚恐下只好答應，細想後雖覺得前上司「憑乜嘢？」，但卻擔心對方會對他做出恐怖舉動，對此感到非常無奈。
不少網民都認為樓主根本不應答應前上司的要求，「過咗3個月，改返轉頭？分都應該出埋啦，咩大學嚟呀，當時改好咗就咁啦，唔好睬啦」、「你咁都驚，唔恰你恰邊個」。有人建議「去勞工處開file啦，怯就輸成世㗎」、「完咗合約，我多數收返顧問費用」。但亦有熟悉教育界的網民表示，「我都唔贊成返去，不過提供教育界嘅context（環境）大家參考下，就會知佢驚乜，教育界真係好細，如果有心針對，真係會冇運行」。
資料來源：「奴工處」FB
更多新冠疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
