何雁詩與鄭俊弘（Fred）今年宣佈造人成功，一索得男，預產期在6月中。就生得的她，昨日（5月31日）再晒出另一輯孕照，她透露為了BB即將會搬新屋及罕有地親自動手執屋，並有感而發寫道：「來到最後幾星期，再過一段短時間就可以見到BB。由10月驗孕知道懷孕，就一路等緊6月嘅來臨，好感恩呢段時間一切都順利 。今個禮拜搬屋，開始打理BB房，老公開始砌bb床，先意識到佢真係好快要來到我們的家庭裡啦！」何雁詩坦言原來懷孕真係會令一個女孩子變成女人：「我最近有一個好強烈嘅意欲將新屋清理得徹徹底底，處理好所有bb嘅物品，重要係，我以前真係唔會執屋架！希望喺BB到之前可以將屋企整理得乾乾淨淨，不過當然，我都會量力而為啦！」
何雁詩透露為咗BB就快會搬屋。
在懷孕過程中，何雁詩已經影過多輯孕照，不過今次終於有埋阿Fred ，二人頭貼頭，非常甜蜜，並開心寫道：「呢輯相嘅時候好Warm，全日都好開心，Fred又出席到，大家又好照顧我！」她又表示希望將來BB睇到都會感受到他們對他來臨的期待及愛。不少圈中好友包括蔡思貝、楊潮凱都以心心符號留言送上祝福。
何雁詩之前已經晒過不少靚孕照。
今次終於有老公份。
更多最新疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgY
