張兆輝、陳靜、洪天明及何華超主演、羅守耀執導兼任編劇的懸疑片《被消失的凶案》，將於6月16日上映。電影中有一場78頁紙的律政處戲份，少有地考起一眾參與演員，當日有份拍攝的輝哥、邵美琪、車婉婉及Joe Junior，埋位前不停默默背誦，完全像考生臨入試場的一刻，要作最後衝刺。
該場戲要眾演員進行連場討論案情，輝哥說：「劇本開拍前已經完完整整收到，但拍攝時導演會即時諗到更好效果，對白或者場景次序，之後全部調配過，現場再執對白，所以今次我係無動作戲，但腦筋就辛苦啲。」現場所見，他不時拿着劇本搵導演溝通，然後再埋頭苦幹背誦。
開拍前大家好努力背稿，唔講以為要去考試。
張兆輝（右）與多位演員有一場78頁紙對白的律政處戲份。
Joe Junior好好記性。
張兆輝（左）會拎住劇本搵導演溝通。
同樣被對白考起的邵美琪，花上兩日拍攝，她說：「今次好大挑戰，因為對白比較多分析案情，有好多資訊唔可以講錯，一action個感覺就似考試，cut機就似放學打鐘，都幾得意，大家演員就好似一班同學。」而婉婉亦笑言現場討論後，當導演突然加一堆對白，自己要即時消化，每次埋位都似考試，頗有壓力。
《被消失的凶案》講述大廈重建，一具被深埋八年的人體殘肢被發現，警方鎖定是死者刀疤勇（何華超 飾）前妻言鳳萍（陳靜 飾）與同屋主爛面超（洪天明飾）通姦殺人，惟在警方再三調查下，疑點重重變成懸案。
邵美琪指因為對白比較多分析案情，好大挑戰。
張兆輝拍攝時好似好輕鬆，其實埋位前喪背稿。
車婉婉（右）爆導演會突然加一堆對白，搞到要即時消化，因此埋位頗有壓力。
更多新冠疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
