女士們留意。有網民聲稱今日乘搭港鐵時，遇到一名中年男子在車廂內單手垂下，狀甚古怪，及後他更將手機伸向在旁一名穿短裙女子的裙底，懷疑正偷拍裙底。大批網民直斥該男子行為狂猖，認為樓主當時應大聲呼叫，讓在旁的乘客上前協助，另外亦應及時報警，讓疑犯繩之於法。

有女網民在連登討論區發文，指今日傍晚放工時間乘搭荃灣綫，當時列車由金鐘開往荔枝角，期間見到一名中年男子單手垂下，手持的手機螢幕長着，並靠近她的裙底，「本身無留意，但見佢個mon勁光咁長着住，又擺近我裙底，我見到就即刻用個袋遮住，然後佢扮無嘢又搵下個目標…個mon咁樣着住，我自己覺得唔尋常啦」。

樓主憶述，該名中年男子會裝作玩電話「睇下其他app」，未見他打開電話中的相簿翻查相片及片段，之後他靠近另一名女乘客身旁有所動作，「之後我坐低咗，然後見到佢行埋去第2個短褲女仔隔離，做返差唔多嘅嘢。我只係敢退開一邊觀察佢，第一次遇到呢啲事，後悔自己無大大聲X出口，而家成個人心情都唔好，下次見到我一定會大大聲問佢做緊咩」。

有網民反問樓主有否即場上前提醒該名懷疑被偷拍的女子，但樓主指自己當時很害怕「驚到震晒」，所以不懂作出反應，而且當時該男子並非用相機app進行拍攝，未知他是否用偷拍app，所以不敢大聲指責他偷拍，其後回家稍作休息仍未能平伏心情，於是在網上發文，希望大家能夠有所警惕，「希望大家附近返工再見到嘅可以喝停佢，亦希望女仔喺地鐵自己都小心啲」。

大批網民直斥該男子行為狂猖，認為樓主當時應大聲呼叫，讓在旁的乘客上前協助，另外亦應該及時報警，讓疑犯繩之於法，「好心就報警捉佢啦，呢個堅似偷拍，白光光到打燈拍攝咁，根本就唔正常」、「鏡頭明顯面對緊裙底」、「下次遇到記得報警」、「偷拍已經癲，被發現仲夠膽即場改其他目標更癲」。

不過，亦有人認為樓主並無就事件報警，之後放上討論區「公審」，有欠公允，「你話你懷疑，但你擺上連登係人格謀殺緊佢」、「如果佢冇偷拍咁就被人笑一世，而你就連sorry都唔使講一聲」、「你自己都唔肯定人哋係咪偷拍，然後放哂人哋個樣，個阿叔真係慘」、「如果係誤會真係可大可少」。

來源: 連登討論區

立即下載 | 全新《星島頭條》APP : https://bit.ly/3yLrgYZ  捕。