MIRROR人氣王姜濤近日到美國工作，離港前他現身張敬軒演唱會擔任嘉賓，二人世紀合唱《斷點》成為熱話。今早姜濤在IG限時動向姜糖（Fans暱稱）大派福利，自拍多條短片再唱《斷點》，目的是慰藉搶購不到MIRROR演唱會門票的姜糖，他寫道：「知道很多粉絲們，可能因為沒搶到演唱會的票而失落，對此我並不能做什麼去幫助大家，只希望能唱首歌，能讓你們開心一點。」姜濤甜美的聲音徹底溶化一眾姜糖。
姜濤之前出任張敬軒個唱嘉賓。
姜濤冇化妝冇戴Con上陣清唱《斷點》。
呢個微笑，各位姜糖收到未？
專程送上一曲給買唔到飛嘅姜糖及鏡粉。
大膽留言寸魯生
結果連軒仔亦有轉發姜濤此Po，他冧爆表示：「點解，點解佢連嗦鼻水都Cute到尖叫，我當年拍呢首歌MV嘅時候鼻敏感，個鼻輕輕摵咗一下跟住導演都尖叫，不過係尖叫住咁嗌 『Cut ！ ! 』」軒仔再次多謝姜濤選擇唱這首歌予歌迷，並搞笑寫道：「你啲IG Story以後唔該包埋暈浪丸俾人吖。」
此外，姜濤又胋出龍蝦餐的相片，但他之後貼出跟ViuTV高層魯庭暉的對話截圖，當中見到魯生貼出一張原隻龍蝦餐的相片再留言：「呢啲先叫龍蝦餐，原隻波士頓龍蝦。」姜濤竟大膽留一句：「很囂張的老闆。」
軒仔轉發姜濤唱歌片，留言要有暈浪丸。
軒仔又讚姜濤連嗦鼻水都特別好聽好睇。
姜濤嘅龍蝦餐。
咁魯生又啱喎。
身為高層的魯庭暉跟藝人打成一片。
更多最新疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ
