人氣組合MIRROR將在7月首次在紅館舉行演唱會，消息一公佈即掀起全城搶飛潮，雖然已由10場加開至12場；當中兩場更稱是為官方Fans Club成員Miro專屬場，另外又宣佈以實名制形式發售門票以阻止「黃牛黨」，但不少鏡粉（Fans暱稱）依然狂呻公開發售門票只有約3萬多張，數目極少；根本供不應求，因此未能買到門票，相當失望。
MIRROR將於7月首次在紅館開騷。
上月31日公開售票，但大部份鏡粉訂購時只見呢個畫面，無限輪迴。
去年7月成立的「我老婆嫁左比Mirror導致婚姻破裂關注組」FB專頁，版主昨晚（2日）亦因不滿MIRROR演唱會售票安排，宣佈將於8月MIRROR騷完成後關閉專頁，引起一眾鏡粉熱烈討論。版主激動留言謂：「你地（哋）而加（依家）係將鏡粉對Mirror嘅愛綁架，你當鏡粉係ATM係水魚。錢係要賺，但食相唔係咁難睇掛（啩）。各位演唱會嘅主辦單位，你地（哋）係咪真係以為d鏡粉個個都幾億身家？我地（哋）成日鬧黃牛，你地（哋）就自己做大黃牛，唔洗驚，今次實有人睇架，下次？唔知嚕。買唔到飛我無乜所謂，反正又唔係我睇。如果你唔知我嬲乜，你試下將上面『鏡粉』呢兩個字換做我老婆/我老母/我個女，咁可能會投入d。」不少鏡粉留言力撐版主，坦言雖然不捨得，但亦因身同感受而支持版主的留言及決定。
版主昨晚撰長文。
真係睇得出版主好嬲好失望。
唔少鏡粉留言支持。
鏡粉話同版主身同感受。
大部份都係覺得公開售票只有3萬幾張太少。
希望主辦單位聽到鏡粉心聲。
「我老婆嫁左比Mirror導致婚姻破裂關注組」FB專頁直至現在已有約逾35萬人follow，版主的另一半為忠實鏡粉，他成立此專頁是跟一眾「前夫」圍爐分享老婆及囡囡迷上MIRROR的生活日常，引起極大迴響。
專頁在去年7月成立，至今已有逾35萬會員。
12子都知鏡粉好難買飛。
希望主辦單位及MIRROR公司等可以再諗吓方法。
更多最新疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ
