樂隊RubberBand（RB）結他手馮庭正（阿正）留着一把長髮，外形不羈，其實佢係愛妻號，同太太尚羚（原名黃淑玲）非常恩愛。日前趁住有幾天公眾假期，一家三口加埋工人就外出到商場行名店，享受家庭樂，阿正更識做地幫手照顧囡囡，等太太可以慢慢Shopping。
採訪：娛樂組
阿正太太睇中戒指，不過試戴後似乎唔啱心水。
阿正抱住囡囡等太太慢慢揀。
RubberBand的阿正六年前娶選美出身的尚羚，二人的囡囡亦已歲半大。日前適逢連續有幾天公眾假期，可能見疫情緩和，阿正一家去咗行商場。當日下午，阿正一家到中環ifc購物，現場所見眾人似各有職責，見其妻抱着BB，而工人就孭着一大袋，另外手上又挽着一袋，跟在阿正夫婦身邊。阿正似早有目標，見他主力行優閒服飾店，兩公婆走到男裝部不時有傾有講，之後男方兜咗一個圈都冇心水，最後走回太太身邊，二人再講了幾句，阿正擰一擰頭就一齊離開。
阿正主力睇男裝衫。
打扮樸實的阿正未有被途人認出。
睇極都冇心水
阿正一家行去隔鄰的酒店取車，可能打扮樸實，未有人認出眼前係阿正。其間眾人經過鐘表店時，阿正太太好有興趣即入內揀款式，阿正好識做，為令老婆可以專心睇嘢，不但幫手湊囡囡，更一直陪住老婆在店內行來行去，試戴飾物時又有給予意見。阿正太太睇中一隻戒指，見她試戴時，脫下疑似婚戒，再戴戒指上手研究，不過試完後可能與想像有所出入，她再行去另一飾櫃揀選，但揀多一陣都係冇心水，最後一行人行去酒店取車離開。
阿正與現任太太育有一女。
選美出身的尚羚做過歌手及模特兒，身材不俗。
更多新冠疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
