近日雨勢有時頗大，市民外出都很狼狽。有網民在「親子王國」討論區發文，今早站在有蓋巴士站，明明一落車的位置是有上蓋，豈料有位大叔一落車對住她開雨遮，令她腰部以下位置全部濕透，「真係嬲嬲哋，希望大家落車果陣望望有冇人，或者有無需要開遮 」。
不少網民都指有些人擔遮行為自私。有網民留言說，「噚日紅雨先試過，多人我已將把遮舉高拎，點知我旁邊有個十歲左右嘅細路突然打斜把遮拎，啲水全部跣晒落我個身度 我見係細路就算啦…」。
巧合的是九巴昨日在facebook專頁發文指，「擔遮要考牌九巴仔表示很認同」。九巴指出，根據非正式統計，香港好多人都係落雨「唔識擔遮」。這個星期持續是有雨天氣，「九巴仔都深深感受到擔遮真係要考牌。唔知大家覺得有咩人落雨搭九巴都要考返個牌仔呢」。
九巴昨日在facebook專頁發文指，「擔遮要考牌九巴仔表示很認同」。FB圖片
有網民留言說，「應該話落雨出街都要個別考牌（擔遮及著雨衣），有日搭巴士時，正值大雨，有3位女士，著住雨衣行入車尾，第一，沿路側邊人比他們掃濕，第二，雨衣不除直接坐低。大家諗下，3個人已經令附近9個位都給他們濺濕。最令人氣憤是，他們若無其事咁囉。」、「最憎的人上車唔摺好把遮，揚開哂,咁會整濕其他搭客㗎！上車摺埋把遮係公民教育，要人教？要人講㗎咩？自動自覺喇！」
帖文轉載自「親子王國」討論區
立即下載｜全新《星島頭條》APP：https://bit.ly/3yLrgYZ
