鄭欣宜（Joyce）一連三場的「“Between Us”鄭欣宜演唱會2022」，今晚在紅館開鑼，嘉賓可謂相當驚喜，更將現場氣氛炒熱，成為全晚高潮。當Joyce唱出《不可愛教主》時，穿上西裝如白馬王子的盧瀚霆（Anson Lo），在舞台中央緩緩升起，全場觀眾報以熱烈歡呼聲歡迎。二人合唱完畢，Joyce多次感謝AL到場，更不斷大笑，她說：「好多謝你嚟，夢想真係可以成真，我意思可以企喺紅館開四面台開呢個騷，再請埋……」伸手指向AL。
二人合唱《不可愛教主》。
Anson Lo現身大受歡迎。
Joyce最初唔知Anson Lo想做乜。
Anson Lo話「我個人就係一份禮物」，聽到呢句好難唔投降。
原來幫手抹汗。
二人閒聊其間，AL突然問：「我想問你平時飲水位喺邊度？」Joyce指向樂隊旁邊的位置後，AL就移步到該處拎紙巾，原來他見Joyce滿頭大汗，拎完紙巾就出手幫對方抹汗，盡顯暖男又細心的一面。Joyce或擔心「神徙」（粉絲暱稱）呷醋，即說：「你唔好咁啦！」AL就指太多汗有需要印一印，她續說：「你咁搞法，我冇晒平時好型嘅形象。」AL便回應：「你畀我印汗都好型。」之後他繼續說：「上到台好感動，識咗你年幾，好感受到你對音樂、你嘅事業嘅認真，我真係好開心，雖然我冇辦法經歷你咁多年事業嘅感覺，作為後輩戥你好開心。」Joyce多謝之餘就否認自己比對方大好多年，然後再問AL點解到場做嘉賓卻不帶禮物？AL表示自己有帶：「我個人本身就係一份禮物。」Joyce聞言即指自己輸了，然後將舞台交給AL獨唱新歌《King Kong》。此外，ERROR今晚亦擔任表演嘉賓。
Anson Lo唱出新歌《King Kong》。
ERROR也是今晚表演嘉賓之一。
更多新冠疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
