鄭欣宜（Joyce）一連三場「Between Us鄭欣宜演唱會2022」昨晚（10日）在紅館開鑼，陳淑芬與兒子陳家豪、草蜢的蔡一智與太太、蔡一傑、廖碧兒、GinLee、ANSONBEAN、拆骨BEN趙祥誠及蔡穎恩（Evelyn）等捧場。Joyce以一襲橙色露肩巨型紗裙登場，清唱《女神》揭開序幕，開場不久她已感動哽咽，但立即忍住：「我唔想喊住，畀我講啲好重要嘅嘢先。非常之多謝，每一位買飛入嚟支持我嘅人。4年前我已經開咗第一次紅館演唱會，但唔知點解，今次感覺好似係第一次咁，可能因為過去呢四年裏面，大家用咗好多心機和時間去重新認識我，好多謝你哋畀我呢個耐性。」
整晚Joyce換上多個造型及瞓身演出，不斷為觀眾帶來驚喜，當中掀起高潮的當然是請來Mirror的盧瀚霆（Anson Lo）任表演嘉賓，Anson Lo以白馬王子造型出場與Joyce合唱《不可愛教主》，及後Anson Lo再跳唱日前才推出的新歌《KING KONG》。
演唱會尾聲Encore時，ERROR任嘉賓出場壓軸表演，令觀眾再度驚喜，他們與Joyce合唱TVB劇《愛。回家》主題曲《擁抱愛》，之後送上獨一無二，分別印了ERROR成員肖像的上衣給Joyce，更命名「春夏秋冬系列」。代表春天的何啟華（Dee）笑說：「春天令人諗到潮濕，你著我呢件tee就好潮，然後好濕。」全場爆笑，Joyce作狀打他。他即解釋：「我意思係熱到出汗，濕晒！」梁業（肥仔）說：「夏天梗係著我呢件雞翼袖，你老公（Anson Lo）新歌MV都係著雞翼袖，襯晒佢，但你照鏡就見到我！」吳保錡拍片講招牌港普、郭嘉駿（193）就自肥拍片宣傳Solo歌，非常搞笑。之後ERROR唱《愛情值日生》，邊唱邊向觀眾派心。昨晚Joyce首場演唱會，在兩度Encore下圓滿結束。
更多最新疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ
