人氣組合MIRROR 7月首個紅館演唱會一票難求，早前「我老婆嫁左比Mirror導致婚姻破裂關注組」的FB專頁版主就因不滿售票安排，揚言MIRROR個唱後會關閉專頁。但即使由10場，再加開多兩場MIRO（官方Fans Club）專屬場次，門票依然是供不應求。MIRO專屬場前日（10日）開售，但座位表在開售前一直未有公開，有鏡粉就質疑MIRO專屬場究竟開售量有多少（法例規定最少三成公開發售）。
面對一次又一次的公關災難，MIRROR經理人花姐昨晚首度在IG限時動態回應演唱會賣飛情況，她寫道：「頭十場演唱會公開售票，好多fans都買唔到飛，好失望。我哋聽到大家嘅聲音，喺客觀嘅限制下，老闆及同事爭取加開兩場，冇sponsor，9成門票提供俾MIRO同實名公開發售，以及努力籌備live stream。」
我本人非常感激佢哋為MIRO做嘅嘢，因為我同 @mirror.weare 都好想MIRO可以一齊見證呢個里程碑。但場地限制，9成門票仍然未能夠令所有MIRO入場，非常抱歉。吸取今次經驗，相信未來我哋會做得更好。希望不久將來，MIRROR可以去到更大場館同大家見面！最後，想真心多謝你們一直陪伴！辛苦你們！」花姐所指的更大場館，未知是否每場能容納2.2萬人的迪士尼露天場地呢？！
大家都好期待MIRROR 首度踏上紅館舞台演出。
花姐對買唔到飛嘅人士，感到非常抱歉。
另外，有傳演唱會將再加開多3場，但消息未經證實，而鏡粉卻寧願鏡仔多爭取時間休息，也不希望加場，希望他們能為8月20日東京《Summer Sonic音樂祭》的演出，有更多時間做準備。
加開2場MIOR 特別場，曾被質疑開售量有幾多？
花姐首度澄清有關MIRROR演唱會嘅售票詳情。
更多最新疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ
