霍震霆和霍啟剛今日出席「香港傑出女運動員相冊」發佈會暨展覽，大會表示原定到場的何超瓊因事未有出席。
霍啟剛表示今次活動很有意思，宣揚女性運動員的精神，稱不同國家都要求下屆巴黎奧運會的男、女運動員比例要一樣，這是全球的里程碑，又指國家和香港的運動員一向女性比男性多，雖然中東國家因為歷史文化背景而令到有所不同，但希望透過運動宣揚男女平等的概念。
霍震霆（左）跟在場朋友打招呼。
兩父子同為香港運動員付出不少。
太太郭晶晶都是運動員，平時是否都當她是女皇？霍啟剛笑說：「當然，佢係國家隊運動員，紮根香港，太太對外對內都好重要，佢要照顧3個小朋友，各方面都好繁重，付出好多，希望佢除咗照顧小朋友，都試吓其他新嘢。」太太會否做生意？霍啟剛透露太太會和朋友搞一個小計劃，但詳情還是由她宣佈，他謂：「我都想佢做多啲嘢，今時今日嘅女性有好多才能同經驗可以貢獻社會。太太初初退役時，我都有鼓勵佢學多啲嘢，增廣見聞，好似有學設計，圈子唔同，接觸嘅嘢都好唔同，大家嘅話題都會多咗，唔使日日講湊仔。」
父親節將至，霍啟剛笑指工作忙仍未想如何慶祝，應該都是在家食飯，但其實無論是否父親節，每星期自己都會和爸爸食飯，爸爸和孫仔見面又開心。至於霍震霆就希望當日會有驚喜，還托傳媒幫手打聽兒子是否已預備禮物，並謂很難得三代同堂，意義重大。
訪問中大讚太太郭晶晶。
鼓勵太太多作不同嘗試，不要跟社會脫節。
提起孫仔特別開心。
原定出席的何超瓊，因事未有現身，估計跟媽媽藍瓊纓離世有關。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
