關嘉敏及龔柯允（Karen）為網上旅遊節目擔任嘉賓，大談旅行時候遇到的趣事。剛從家鄉馬來西亞回來的Karen表示：「今次回鄉真係好開心，因為太耐無見屋企人，同埋可以喺好多靚嘅地方拍咗3首歌嘅MV，仲邀請到有『翻版彭于晏』之稱嘅演員做男主角。」
問到有否心動感覺？Karen說：「咁又無，雖然佢真係好靚仔又好大隻仔，但我鍾情香港小肥仔多啲，又細心啲。同埋今次去咗幾個零污染小島，真係好興奮，日日喺水清沙幼藍天白雲嘅地方，真係好治癒心情，今次叉滿電返嚟好好拚搏，嚟緊會有兩首新歌，希望可以帶啲新鮮感畀大家。」
關嘉敏（右）及龔柯允（左）均表示較喜歡香港男仔。
最近忙於拍劇的關嘉敏，大方分享旅行艷遇：「細個有跟學校去英國遊學團，係我第一次出國真係超興奮，咁啱係我差唔多生日時間，同團有個意大利朋友仔親手整咗個蛋糕送畀我，印象好深刻，唔係因為佢靚仔，係因為個蛋糕係我鍾意嘅Pizza味。呢次遊學團都好難忘，可能日日都食薯條嘅關係，最後我返香港重咗5KG，真係超難忘。」被問到鍾情外國人嗎？她坦言較喜歡香港男仔，因為會明白她的冷笑話，以及鬧交都不會雞同鴨講。
正在拍攝兩部TVB劇的關嘉敏，搞到大腿都花晒。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
