陳凱琳（Grace）的龍鳳胎細佬Derek早前因其混血感外貌成為焦點，其後隨着Derek宣佈離港，與太太移民加拿大展開新生活，事件亦暫告一段落。而向來懶理傳聞的Grace ，在這段期間就頻頻貼出溫馨家庭照，力證姊弟情，日前她更於社交網公開送機片段，及大談二人龍鳳胎的感情。
在細佬Derek出發機場前， Grace到了他的家幫忙執拾行李 ，她表示：「其實好多人都會問我做龍鳳胎會唔會感情特別好？我只可以話我同細佬嘅關係就好似你身邊最好嘅朋友一樣，由細到大我哋都會照顧大家，好鍾意分享開心同唔開心嘅事，就算一齊換吓床單都覺得好開心。」她續說二人在加拿大的日子會互相照顧，並在Derek離開前親手下廚：「我記得喺加拿大我哋都生活咗一段時間，因為父母返咗香港，我仲會經常煮飯畀佢添。所以今晚出發之前我就同媽咪一齊下廚，煮個家常便飯畀細佬再出發。」
Grace又分享了不少機場送機的片段，片中見一家五口溫馨相擁，Grace坦言大感不捨：「去到機場，我先覺得真係好唔捨得細佬，因為我哋實在有太多回憶，不過一諗到佢同太太將會喺加拿大開始新生活，我就戥佢哋又興奮又期待，最後一句說話唔敢喺機場同細佬講，Derek I started missing you,when we said goodbye.（當我們說再見的那刻，我已經開始想念你了。）」
陳凱琳在短片下留言寫道：「弟弟前幾天出發到加拿大展開新生活。臨走前我和媽媽一起下廚，準備了一桌他最愛的家常菜。弟弟像小時候那樣幫我換床單，一下子回憶都湧上來了。不過我知道離別，是為了讓大家以更好的面貌再見。我們一家人無論相隔多遠，心永遠連接彼此。」
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
