黎明（Leon）自成立Amusic唱片公司後，力捧過不少有實力的新人，而新人的宣傳通常最初是不見樣，不過今次有例外，見到少少樣。最新力捧的新人是年僅16歲雅荍（Sophia），她一口氣推出兩首新歌《AH-HA》及《想想元宇宙》，MV雖然只見卡通人物唔見樣，但是她跟麥秋成學舞，咁就被練舞片出賣咗。
Sophia（右）沒有舞蹈底子，但跟住麥秋成練習跳得有板有眼。
麥秋成好開心同Amusic合作。
Sophia露出一雙眼。
Sophia已開始跟麥秋成學習跳舞，有指是跟新歌有關，但其實文字版的MV已經上架，露面只是遲早問題。而麥秋成上載的練舞片中，Sophia戴上口罩，好勤力趁星期六練習舞步，麥秋成寫道：「好開心能夠同Amusic合作，記得第一次開會，聽到佢哋對今次創作嘅concept，又新鮮又興奮。今次嘅主角係Sophia，未見其人先聽見其聲，一把好聽的聲音。雖然佢冇乜舞蹈底子，但似乎呢一位小女孩都好努力，喺Katherine鞭策之下，終於成功拍攝錄像！」
麥秋成還搞笑地介紹Sophia，並為她打氣：「想睇？聽歌先啦：）係咁意比住第一堂rehearsal你睇吓。收到呢位新學生係開心嘅。加油啊！跳得再好啲，請你食芝士蛋糕」，看來麥秋成對Sophia的表現好滿意。
麥秋成讚Sophia好努力，仲話跳得再好啲請食芝士蛋糕。
Sophia的MV只見卡通人物唔見樣。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
