梁諾妍（Inez）日前在活動上，透露囡囡「洪寶寶」疑受塵蟎影響，引致雙眼及面部紅腫，嚴重到「對眼腫到擘唔開」，嚇得Inez立即將囡囡的病況轉告身在內地工作的洪永城，Inez自爆「我俾佢鬧呀」，最後將原本已搬到新屋的兩部空氣清新機放回家中，囡囡的皮膚問題亦得以改善。
洪寶寶早前疑受塵蟎影響，搞到對眼腫到擘唔開，陰公豬。
洪寶寶今日好精神，一早起身就唱歌仔。
真係邊個角度都同洪永城餅印一樣。
Inez 日前喺活動上自爆大懵，所以被老公鬧。
「俾佢鬧」可能只是夫妻耍花槍，但卻引起網民熱烈討論，指Inez留港獨力照顧囡囡，洪永城不應該鬧老婆。Inez今日在IG 限時動態則為老公講好說話，連出多個post，重申老公沒有大發雷霆，她寫著：「可能大家誤會咗，佢個"話我"係提點我叫我攞返部空氣清新機返嚟。That is it.呢位爸爸一直都做得好好，I am very proud of you！俾人誤會我都唔緊要，誤會佢我真係要平反下。」、「佢都冇責備我疏忽，更加冇大發雷霆，多謝@guruhung 一直陪伴我解決問題。利申：佢一直都係一個理性+脾氣好的人。多謝大家關心，洪寶寶好快已經有事啦，我日日都出洪寶story，大家都睇得出right？」
洪永城被指責唔應該鬧老婆。
Inez 今日連環出Po 話要為老公平反。
Inez 話洪永城好細心，成日提點佢。
今日喺兩人結婚1周年紀念。
而今日亦是洪永城和Inez的結婚1周年紀念，Inez留言冧老公：「11/7 結婚一周年快樂，我和洪寶和Molly（狗仔）愛你唷」。洪寶寶的最新影片中，見她一朝早就玩骰仔兼唱歌仔，笑容滿臉，似乎已經好番晒！
一家三口，仲有狗狗Molly與BB相處融洽。
洪永城身在內地工作，未能同老婆慶祝結婚1周年紀念。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
