人氣男團MIRROR 將於7月底至8月初舉行12場《MIRROR WE ARE Live Concert 2022》首個紅館演唱會，由於反應熱烈，好多歌迷搶唔到飛，日前其公司宣佈「MakeALive App」會在今日（15日）中午12時公開發售其中3場中的直播門票。不過，鏡粉進入MakeALive APP 購票時，卻出現「MakeAlive 已推出新版本，請下載更新」，但一直未能成功。
隨後MakeALive 在社交網發文道歉，指銷售系統尚未穩定，現正進行提升，指門票售票日期將延至下星期初。全文如下：
「深感抱歉宣佈：網上直播門票將延期發售。我們在進行最後測試時，發現銷售系統尚未穩定，為確保購買門票過程順暢，故決定網上直播門票延期發售，我們將把握週末時間進行測試，確保系統運作良好。
由於MakeALive系統現正進行提升，MakeALive APP 暫時未能使用。多謝大家熱烈支持，知道各位對網上直播充滿期待，公佈發售門票後，收到各位的意見，我們會致力改善。
最新的門票發售日期將會於下星期初更新，大家可於門票發售時段內購票，門票發售時段為：開售後 至 演唱會直播開場前 晚上8時15分。對大家造成不便，在此再次致歉，我們會努力，將更好的網上直播體驗呈現，Make it happen。」
不足一小時，已有逾百粉絲派嬲，留言鬧爆安排混亂：「早啲講嘛！test唔穩定就起碼早半日講呀！」、「明明12點開賣，但係網頁話即將啟用，個apps一裝完就叫我再更新。買條link睇場show都要咁樣玩 X我地」、「開賣唔切，又唔早少少講？鏡粉已經俾你哋玩咗好多時間，大家都係想睇場show, 支持班鏡仔！記住：鏡粉的時間都係時間！」，「我專登攞今日放假就係為咗你」，更有人擔心：「好擔心買完之後，去到演唱會當日睇唔到囉！」不過，都有部份鏡粉表示：「包容你」。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
