李璨琛的4歲囡囡李元元（Lucy），因為周身肉加唔怕醜性格深得網民喜愛。見暑假來臨，Lucy 媽為囡囡買入紅色一件頭泳衣，為夏水禮作準備。今日Lucy 媽上載多張Lucy的泳照到IG，穿上泳衣後的Lucy圓滾滾 ，大肚腩相當搶眼，一向最鍾意恥笑囡囡的Lucy媽笑指囡囡似「金太郎」，她寫道：「買套紅色火辣辣泳衣俾個女諗住做the sexiest baby on the beach，一不小心全方位變左做金太郎」。
其實真係似嘅。
做明星二代真係唔容易。
肚腩好似細咗。
網民睇得好開心，從來笑人哋最唔使負責任，「The sexiest 金太郎on the beach都好正吖！」、「好有體態美」、「似抓舉運動元」，更有人撐Lucy 表示：「唔係好肥啫」不過Lucy 媽就笑回：「其實真係唔係好肥，係個肚腩時大時細咋嘛」。唔知Lucy大個咗會唔會嬲媽媽呢?
Lucy大個睇返呢張相唔知有咩反應。
Lucy媽好鍾意PO囡囡醜態到社交平台。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
