TVB處境劇《愛．回家之開心速遞》向來緊貼新聞熱話，繼「大小姐」龍力蓮（林淑敏飾演）曾神還原KOL雪姨聖誕開箱事件後，昨日（21日）一集細佬龍力王Terry（李偉健飾演）接力，以「豬肉路人甲」為主題，化身肉類分割員，疑似影射早前爆紅的肉檔威威（劉宋威），而李偉健的造型更有8成相似，完美複製威威，成為網上熱話。
劇情講述Terry 接拍了一部網劇，需要演繹一名肉類切割員，經潮偉（袁文傑飾演）幫助下到肉檔進行「實習」。Terry 喬裝成「王力龍」，染上金色頭髮、穿背心和圍裙，右臂更貼上玫瑰紋身大騷強勁臂彎，加上不可或缺的「口罩」造型，憑一雙電眼迷倒街市一班師奶，除威龍清潔部的員工都成為其粉絲，自稱「燶粉」外，就連家姐龍力蓮及Rachael（孫慧雪飾演）都仰慕他，人人爭住影相，讓他初嘗「萬人迷」的感覺。
潮偉幫Terry 去肉檔「實習」。
仲有個玫瑰紋身。
眼神都似埋。
真係好多「燶粉」。
家姐都認唔出。
其後Terry獲唱片公司高層「Poca」賞識，連同其他街市男神，組成男團「Super Market」力撼當紅偶像蔥頭(丘梓謙飾)，不過Terry最後拒絕了，而除罩出道的「Super Market」因為樣子太嚇人，瞬間嚇跑所有粉絲。
拍攝花絮，大家都好開心。
雪雪好似真粉絲。
孫慧雪昨日在社交網上載當日拍攝花絮，爆有人真的以為Terry是威威：「好記得嗰日，有人行埋Terry度，問佢係咪威威，想同佢影相，然後Terry話：我係偉偉呀！笑死我，最後兩張相係真相，我同大小姐大打出手，先至搶到同佢合照㗎，今晚記得睇啦～～～支持偉偉豬～～～～」不少網民大讚Terry 型好多：「勁似」、「又神抽」、「Terry豬靚仔好多」、「Terry靚仔過豬肉威好多」等。
劉宋威之前一直戴住口罩，憑眼神迷倒好多街坊。
近日除口罩拍廣告，唔少網民表示失望。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
