舒淇是圈中出名的貓奴，家中最少有3隻貓咪，有個靚仔老公的她，IG晒得最多的並不是馮德倫的照片，而是主子的照片。舒淇不時為主子們拍下影片，每當主子做出令她哭笑不得的行為，她都會Po上IG請Fans幫手評理，但結論當然都係奴才唔好啦！
舒淇係愛貓之人。
May May Man及 May May Boy。
之前佔領行李箱，導致舒淇執行李進度受阻。
舒淇之前太掛住啲貓，到外地工作都袋住啲貓毛。
繼早前舒淇要前往內地工作，畀主子佔領行李箱，導致執行李進度受阻。昨日（22日）舒淇又上載主子罪證，竟然在奴才做運動時佔領瑜伽墊，更擺出過份可愛的神情於奴才身旁遊走，逐步逼近奴才命令「打屁屁」，行為令奴才難以接受，只好在IG出Po請網民評理，呻爆：「根本沒有辦法好好拉筋。」網民都表示這是甜蜜的負荷，又指如果下次見到舒淇肥咗，就知道令她變肥的真兇是誰。
舒淇做幾耐運動，主子就喺旁邊攤幾耐。
你有你做，佢有佢瞓，完全唔覺阻到奴才。
得閒又轉吓位。
Feel到奴才有啲無視佢就即行動。
喺奴才面前行嚟行去，等奴才無得當佢透明，真係好高明。
仲唔拍屁屁？識做啦！
睇舒淇手勢純熟，就知佢有多年養貓經驗啦！
招積到呢……
主子其實叫Alita，2021年舒淇Po過同Alita的合照，係領養返嚟嘅。
Alita平時嘅生活應該大多數係咁……真係令人羨慕……
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
