網民投訴乘的士時司機態度差，最終引發罵戰。（資料圖片）

不少人搭的士都試過因各種問題起爭執，早前就有乘客在網上投訴，指控接載的的士司機懷疑因為路程短，上車後駕駛態度惡劣，更在抵達目的地後未有冚旗，要求事主多付一次跳錶的收費，事主亦禁不住還擊，演變成兩人在街頭對罵。

該名事主以匿名向Facebook專頁投稿，指自己於6月21日帶着2歲的小孩到街市買餸後乘的士回家，但事主一上車自報地址，司機已態度惡劣，行車期間，事主的小朋友每逢見到附近有巴士和救護車經過都會發出聲響，司機每次聽到，都會發「摺」一聲，甚至一個紅綠燈位時，突然大力踏油門令事主的小朋友向後撞，事主聲稱把一切看在眼內，但「冇證據佢（司機）係有心定無意」，故一直未有出聲。

因一下跳錶 司機乘客粗口橫飛

直到落車一刻，事主根據咪錶支付車錢，正想離開之際被司機叫停：「喂，睇錶啦。」原來司機停車後無冚旗，令咪錶再跳左一下，雙方隨即為此爭執，更演變成用粗口互罵。

事主事後承認，不應該在小朋友面前爆粗，「但係我真係忍咗好耐……究竟係帶小朋友出街係原罪？定係搭的士短程有錯？我冇歧視任何職業，好多的士司機好好人，但係就係有呢啲司機，所以坊間有人叫司機做『DC9』，就係呢啲司機影衰晒！」

帖文發出，網民幾乎一面倒支持乘客，並分享作為乘客時受的士司機氣的經歷，批評的士司機需要改善服務：「十個有九個半都係咁，近又唔鍾意，遠又嫌遠，過海唔去，行紅隧就發脾氣」、「好少可留言一面倒幫客，的士佬真係實至名歸。」

星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ