李璨琛的4歲囡囡李元元（Lucy）一向鬼馬兼可愛，而Lucy媽經常把她的生活趣事公諸同好，近日她又再貼相留言分享Lucy的笑料。事緣Lucy放學回家一開門見到老母即爆喊，原來是為了一粒掣，Lucy媽寫道：「放學返嚟一開門見到老母即刻爆喊，老母心虛以為關自己事。原來係姐姐（傭人姐姐）手快快撳咗佢長期負責嗰粒閂門掣。」Lucy媽笑言姐姐描述完事發經過後，她的樣子也十分無奈。
咩事喊得咁淒涼？
放學一返到屋企見到阿媽即爆喊。
原來因為被外傭姐姐搶先一步撳了電梯掣。
相中見Lucy大控訴時喊得相當淒涼，由於委屈的樣子實在太可愛，照片成功吸逾5.5萬網民讚好，陳敏之也留言表示：「小朋友就係咁簡單。」不少網民亦紛紛留言笑謂：「原來LuLu鍾意做揸lift人」、「落返去俾佢撳返10次啦」、「張相好似有聲咁」，更有網民將焦點放在Lucy一向圓碌碌的身形上：「我留意到校服終於係鬆身。」
姐姐會唔會都想喊？
亦有忠粉留意到Lucy校服有鬆喎。
成家人都係好搞笑。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
