MIRROR原定舉行的12場紅館演唱會，因昨晚（28日）第四場發生嚴重墮屏意外，令演唱會要腰斬。12子與一班舞蹈員在開騷前日夜排練，可謂「出生入死」的好兄弟，意外發生後，12子的擔心實屬可以理解，而他們就選擇全體「封口」，除Anson Kong（江𤒹生）和Edan（呂爵安）在IG限時動態全黑圖，疑向負責工程的單位表達不滿外，其他成員均沒有在社交網發聲，而Edan隨後亦刪除黑圖Po，十分低調。而ViuTV、演唱會主辦MakerVille及原定直播演唱會的MakeALive的FB專頁自昨晚意外發生後已停止更新，但仍有大量粉絲湧入留言狂鬧。
據指AK曾為一班舞蹈員出頭，向公司反映要為舞蹈員增設醫療團隊，最後公司才肯出錢聘請醫療團隊，曾有舞蹈員表示：「真心好多謝AK請班Medical Team睇埋Dancers。大家周身傷痛，真係好彩有佢哋幫我哋治療/放鬆/預防，冇佢哋都唔知點算好，辛苦晒了，感動感謝！」
而今次的演唱會出現連番出意外，未正式開騷前，已傳出有舞蹈員在總綵排期間跌落升降台受傷，令舞蹈員群起爆不滿，公開力斥：「其實執生真係唔係無敵，執到可以笑下，執唔到呢？咩都唔知，我都唔知點執。」、「俾返少少專業，帶個腦返工，話晒都食鹽多過人地食米，唔好下下都話執3，執你老X咩！」、「用我哋條命去滿足你哋嘅自私自利，一次事故睇清人性醜惡。」等，當時AK已有出Po力撐一班舞蹈員：「第一次係意外，第二次係大意，第三次係疏忽！」
意外發生後，MIRROR 全體人員封嘴。
AK 由一開始都好支援一班舞蹈員。
曾有舞蹈員感激AK幫口，等一班Dancers 都有醫療團隊。
Edan 曾出黑色圖，疑表達不滿，但之後刪掉。
AK 亦有出黑色圖。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
