余文樂的模特兒緋聞舊愛朱韻韻，近年轉做KOL，不時於社交網分享個人生活。日前於IG上載影片自爆去年患上癌前子宮頸癌前期病變，「我（去年）10月都做咗抹片檢查，個結果出嚟做完全冇事，但（去年）12月我發現月經期間都會有出血的情況，我再做多次抹片檢查，當時醫生就話個情況唔係太好，要我做一個詳細嘅檢查，之後醫生話情況唔好，希望我儘快做手術。」朱韻韻透露當時情況是CIN（子宮頸上皮內贅瘤）2至3期，後來進行了電圈切除手術，幸好早發現及時就醫，現已康復。
朱韻韻去年患子宮頸癌前期病變，須入院做手術。
朱韻韻於IG分享經歷。
雖然順利完成手術，不過回家休養期間傷口卻大量出血，「我入到洗手間發現啲血係唔停，係咁衝出嚟，之後我覺得唔掂打畀我家姐，之後暈咗喺地下。」到達醫院發現傷口被細菌感染，打咗幾日針才好轉。現已恢復健康的她更呼籲女性要定期做婦科檢查。
朱韻韻手術後遇大出血情況。
現年35歲的朱韻韻是一名模特兒，2016年被網民踢爆與余文樂拍拖，緋聞傳得熱烘烘，但余文樂表示：「拍拖唔會唔認。」不過就不時Po類似款式的衣物上IG，又為朱韻韻慶祝生日，關係不言而喻。
朱韻韻2016年曾與余文樂傳緋聞。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
