馬國明、胡定欣、郭晉安及張㬢雯等為劇集《白色強人ll》宣傳，席間他們為罕有病患者打氣，張㬢雯講到眼濕濕，希望變真醫生為病患者醫病；之後分組接受體能考驗，以及公佈昨晚《白色ll》收視有19.4點。
張曦雯好激動。
仲講到想喊咁。
最近有指馬國明忙搞結婚而推新劇，馬明否認：「真係唔係，未聽故仔，每個劇都有2、3個演員人選，我只是其中1個，公司好好，留檔期為劇集做宣傳，又幫我接了其它工作好開心，入劇組就好難度到期，昨晚收視有19.4點好高，有這個成績公司好滿意。」現有空檔可計畫婚事？他强調結婚會公開，而女友湯洛雯月中到澳洲工作，今次分開10多日不算好長時間，期間他負責照顧貓。原來最近他與靚湯一齊養了兩隻貓，間接承認與女友同居。
馬明話唔係為結婚而推劇。
馬明自言變咗貓奴。
馬明說因疫情期間開工不戴口罩，感染風險較大，故在將軍澳租了一個單位住，因靚湯想養猫，所以買了兩隻貓，更視兩貓為兩公婆。問是否實習做爸爸？他說靚湯一向鍾意小動物，而兩隻貓好得意、好嗲，夜晚去廁所都會跟住他，激發他的父愛，笑言中了貓毒。
兩個係咁俾人催婚。
湯洛雯帶埋兩隻布偶去staycation。
布偶出名嗲，難怪冧死馬明。
仲帶埋床仔去酒店。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
