少爺占今日在網上貼出一張「艾粒20周年」演唱會海報，最搞鬼是他這張海報與洪嘉豪和張天賦演唱會的海報完全一樣，因此他要即刻趕工做過另一張，他更抵死地留言：「原來同之前有個show嘅poster係一模一樣…。」
今晚少爺占到圓方出席韓國科幻片《祖宗膠戰外星人》香港首映禮，起初少爺占不肯承認海報是搞鬼之作。不過，追問他是否借人家來為自己演唱會宣傳時，他終於承認：「唔關我事，問阿奴（當奴），係我哋做宣傳時佢忽發奇想，要做呢張海報，我用僅餘嘅造相技巧砌成。明天就會有我哋演唱會嘅真正海報推出。」
問10月20至22日舉行的音樂會舞台是否有機關設計？少爺占笑言：「我哋嘅演唱會因成本問題一向唔多機關，我都想有多啲，真係要反映一吓，安全問題一直唔使我哋負責，由專業人士處理。（你們舞台經驗豐富所以不害怕？）意外與經驗無關，但都唔可以太多顧慮，上到舞台只能發放，顧慮太多會影響表現。（過往可有試過出錯？）冇，我哋兩個能互相執雞同調整。」
少爺占同當奴將於10月開音樂會。
張海報熟口熟面。
原來用咗洪嘉豪同張天賦嘅演唱會海報。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
