馬國明（馬明）孖女友湯洛雯（靚湯）睇日落在社交網放閃，引發網民追問二人是否好事近，馬明今日在《白色強人II》活動上笑言是女友放上網，他嘲笑說：「女仔奇怪，連食飯都拍照放上網，我冇呢個習慣。」又坦言很喜歡這張由高海寧拍攝的暗黑日落照片，靚湯也很喜歡，覺得朦朦朧朧更美。
劇集《白色強人II》今日舉行活動。
馬國明（左）出活動難免被問及女友湯洛雯。
二人日前於IG放閃。
追問二人是否有喜訊宣佈？馬明不諱言如有喜訊就會直接講，清楚交代不會曲線講，他指靚湯一向鍾意影相，自爆為她影100張但她有98張不滿意，自認沒揸相機天份，就算自覺拍出來很美，但她都不滿意，笑言要向高海寧請教。之前靚湯說未曾同馬明一齊睇日出或日落，馬明即反對稱：「她失憶！」曾跟她於晨早五、六點去跑步睇日出，因下午太熱而夜晚又太多人，晨早沒人亦可以睇日出，提到二人很快就發展到一齊晨運，馬明亦不禁自嘲：「一日千里！」
馬國明自爆曾晨早陪女友去睇日出。
對於聯同媽媽開聯名戶口出糧，馬明坦言入行至今已如是，不過以前沒人講。至於會否與女友開聯名戶口，他揚言出附屬卡先，開聯名戶口就會遲些做，坦言這是每個香港男人都要做的事。女友被冒名借錢，他覺得社交媒體有危險性，自己亦曾於多年前遭冒認以經濟問題為由向大馬粉絲借錢，粉絲精明向他求證而揭發，早兩年已發聲明不會在網上問人借錢，呼籲大家別盲目相信，因太易冒充，騙徙手法層出不窮。
馬國明暫不考慮與女友開聯名戶口。
立即下載 | 全新《星島頭條》APP : https://bit.ly/3yLrgYZ
