由白只、楊偉倫、邱頌偉、楊詩敏（蝦頭）主演的舞台劇《妓寨英雄宴》昨晚（19日）起至28日在香港藝術中心公演，以「搵食」為題，把小市民絕地翻身的搵食困境放上舞台，以笑解千愁。對於延遲一年半公演，導演兼編劇鄧智堅表示：「好多謝大家沒有退票等我哋！」有份在劇中反串做仙女的白只笑言：「我驚觀眾會覺得貨不對辦，因為原本想睇仙女，但而家我哋變晒老妖。」蝦頭笑說：「真係替我班兄弟開心，因為知佢哋10年前已經構思劇本，佢哋先係主角，所以今次我做花瓶，而家先知原來做花瓶係咁嘅滋味。」
《妓寨英雄宴》以「搵食」為主題。
四人稱反串做仙女跳舞，比想像中攰。
成班人反串做仙女，係咪想考驗觀眾？
呢個畫面大家點睇？
對於反串做仙女跳舞，四個男仔都稱比想像中攰，更笑指化妝間會不時見到有止痛貼，楊偉倫說：「觀眾都好鍾意我哋對腳，我對腳嘅比例連師姐（蝦頭）都讚。」蝦頭笑說：「佢哋對腳全部都瘦過我，都是我在劇中唔跳舞的原因，而且想讓給『師妹』跳。」白只表示：「我哋真係睇少咗呢件事，跳完件衫真係濕晒。」
蝦頭今次做花瓶，佢話終於知道係乜滋味。
蝦頭講真定講笑，對腳冇佢哋咁瘦？
導演兼編劇鄧智堅感謝《妓寨英雄宴》的觀眾沒有退票。
立即下載 | 全新《星島頭條》APP : https://bit.ly/3yLrgYZ
