香港地少人多，一般年輕打工仔都會在外租屋，希望有私人空間。但近日有網民在討論區分享，指自己在外租屋一段時間，但私隱度卻比與家人同住時更少，令樓主相當無奈及氣憤。
發帖樓主在討論區指，自己已在外租屋住一段時間，而母親亦曾到過家中。直至日前與母親外出食飯，見母親手機安裝了一個閉路電視程式，好奇下按進程式內，發現閉路電視中的實時畫面非常熟悉，「係我屋企嘅實時情況，我見到我都嚇咗一嚇，點解我屋企有cctv自己都唔知」。
樓主指，發現母親用手機監視自己住所後，當下沒有立刻拆穿她，「我返到屋企即刻根據個cctv嘅角度去搵個攝錄機，竟然畀我揾到針孔攝錄機」，樓主指不知道母親何時在家中安裝，而且安裝後亦無跟他提及過，直言「真係好嬲」。樓主又指，近日才跟母親關係好轉，不希望因此事跟她吵架，坦言「或者呢個係阿媽關心我嘅方式，但我覺得自己咩私隱都冇晒」，又問網民「我係唔係要拆穿佢，定我要扮唔知由得佢繼續睇？」
帖文引起網民熱烈討論，有人直斥「你阿媽當你係狗」，又指「梗係要拆穿佢，俾佢知道你有幾反感…」、「UNPLUG（解除）個cctv先，佢就知咩事啦，或者將個鏡頭向天花板，跟手換埋個門鎖」，更有人為樓主獻計指：「唔想搞到（關係）)咁薑嘅，你咪扮裸體通屋走囉，或者請個妓女上屋，你出街，落order叫佢著性感內衣通屋走。」
樓主指不知道母親何時在家中安裝攝影機，直言「真係好嬲」。(網頁截圖)
近日有網民在討論區分享，指自己在外租屋一段時間，但私隱度卻比與家人同住時更少，令樓主相當無奈及氣憤。(示意圖)
立即下載 | 全新《星島頭條》APP : https://bit.ly/3yLrgYZ
