文頌嫻（文女）、周家蔚（Janet）梁靖琪（Toby)、鍾麗淇及湯盈盈等，昨晚（23日）為TVB的《開心無敵獎門人》錄影，眾女笑指由未結婚開始玩《獎門人》，已超過10年，Janet更笑言未跟眾女做姊妹時已來做嘉賓。由於曾志偉確診新冠肺炎，所以眾人亦一致穿上有志偉肖像的T恤，又指因重視《奬門人》25周年，今次全自費出席，但文女就踢爆湯盈盈是「叛徒」，因她反而穿上印有老公錢嘉樂肖像的T恤，笑指她想「謀朝篡位」。
四女穿上有曾志偉卡通肖像的Tee上陣，湯盈盈（左二）當然穿上老公的一款。
工作人員戴上面具扮阿佘及姚樂怡。
對於志偉因病缺席，問她們可有失望？文女說：「我哋今晚嚟幫佢一把，我哋嚟做氣氛等佢可以安心休養，等佢次次都唔使話打和。」又指今晚主要來攞禮物，更笑言已安排錢太去勾引老公。Toby坦言因太耐沒上過《奬門人》，所以心情頗為緊張，成為人母後，玩遊戲時會否收歛一點？Janet説：「今日啲game都斯文，今晚都要濕身，所以唔敢着白色衫。」文女指本來鍾麗淇因左腳傷及舊患而缺席，但志偉卻專誠打電話邀請對方，更指會找遊戲去遷就鍾麗淇，不會讓她太操勞，不過Janet就笑說：「睇返啲遊戲都好似冇特登就，仲加重咗，所以我對啲姊妹都會幫佢頂。」而志偉亦有打電話給叮囑她們盡情投入。
會否因玩遊戲而姊妹決裂，文女說：「我哋唔會為咗玩遊戲決裂，分獎品嘅時候就可能會有拗撬。」而Janet聞言即笑説：「係呀，因為我哋係師奶。」
周家蔚和梁靖琪同由做女開始玩《獎門人》，至今兩人已為人母。
文女（中）幾有阿姐風範喎。
齊人的七魔女。
立即下載 | 全新《星島頭條》APP : https://bit.ly/3yLrgYZ
