英皇今年有好多新人出道，個個都好唱得。

Previous Next

英皇新人黎展峯（Andy）去年參加英皇娛樂舉辦的《冤枉新秀訓練營》殺入三甲，今年正式出道成為歌手，早前推出了新歌《跳》講述決定出道的心路歷程及如何跳出舒適圈。新歌邀來著名填詞人周耀輝填詞，Andy透露歌詞正是周耀輝對他的提醒，「我都想有突破，都覺得過去24年就係一個好規律的大學生，我都有同周耀輝傾偈，問吓我點樣可以特別啲，於是佢就寫咗《跳》呢隻歌。我同普遍年輕人一樣過住好規律嘅生活，都想大家有個共鳴感。」而MV都切合故事，Andy於故事中飾演一條有主人的金魚，最後跳出魚缸游出舒適圈。撰文：秦詠姿　採訪：杜杜　攝影：娛樂組

​ 英皇新人黎展峯早前推出新歌《跳》。 ​

《跳》講述黎展峯決定出道的心路歷程及如何跳出舒適圈。 ​

黎展峯參加英皇娛樂舉辦的《冤枉新秀訓練營》殺入三甲。 ​

參加歌唱比賽捉到路
Andy自言過往都是一個很規律的人，未出道前的生活與大部份學生無異，就讀浸會大學體育系，畢業後曾於非牟利機構任職，為中、小學生籌辦活動。而他亦有成為歌手的夢想，中學開始就不時參加歌唱比賽，更稱擅於唱國語歌，更指大多比賽都有名次，他頗自信地表示：「通常都有贏，中四開始因為掌握到個策略，好似考試揀邊啲嚟溫咁。」他分享比賽時大多選唱難度高的歌曲，甚至大多都是國語歌，「嗰陣揀《那些年》，因為個音域廣啲，另外又揀過王菲嘅《紅豆》，感情好似易投入啲咁。」而之前參加比賽都靠天才的他，直至大學才找老師學唱歌。

黎展峯中學時期已經參加不少歌唱比賽。 ​

黎展峯作為英皇今年其中一位新人，與師姊泳兒都相處得好好。 ​

瘋狂做運動減肥
另外，Andy亦透露大學會選讀體育系全因以前是個肥仔，「主要係細個已經好肥，於是就要減肥……（即係又係肥仔都係潛力股？）咁要大家判斷吓，我就唔夠膽話自己係潛力股嘞！」雖然他已忘記肥到幾誇張，但表示是由小學直至中二都是肥仔，「嗰陣大約有5、60kg，但得大約150cm高。中二開始瘦，我又冇畀人恥笑，亦冇被欺凌，因為開始長高，我有踢波，跟住瘋狂拉直返個人就瘦啲。」積極減肥之下，肥肉消失，不過卻留下不少「肥仔紋」，令他感覺象徵着減肥的經過。

黎展峯中二之前都係一名肥仔，但佢唔敢話自己係潛力股。 ​

​ 熱愛做運動的黎展峯曾經想做體育老師。 ​

立即下載 | 全新《星島頭條》APP : https://bit.ly/3yLrgYZ