上月30日是楊茜堯（原名楊怡）的43歲牛一，由於她跟老公羅子溢(原名羅仲謙)的生日只相差兩Day，所以兩公婆年年都一齊慶生，夾成咁，真係緣份早註定。
楊茜堯同羅子溢嘅生日只係相差兩天。
羅子溢在38歲生日當天上載一家四口喺私人後花園嬉水圖，一家人溫馨滿載，而楊茜堯正日當天，兩公婆則撇低兩個細路外出拍拖，過啲簡單又浪漫嘅二人世界。
羅子溢38歲生日陪子女玩水慶生。
楊茜堯正日生日，兩公婆出外拍拖過二人世界。
楊茜堯再分享開心的生日，照片中，楊茜堯手捧蛋糕，前面放滿了由老公及朋友送上的賀壽花束，幸福師奶滿足地輕倚老公身邊，羅子溢就順勢搭住老婆膊頭，明顯見到兩公婆默契十足，她留言放閃，「大家估吓邊束花係羅生送嘅？」又說，「生日一家人齊齊整整就是最大的恩典。」她又踼爆喺美麗畫面鏡頭背後原來係一片混亂，一個(細路)喊，一個扭食蛋糕。楊茜堯及羅子溢兩公婆，快樂就咁簡單！
楊茜堯叫大家估吓邊束花係羅生送嘅？
人比花嬌。
未食都甜都漏。
呢束紅玫瑰加小熊公仔，由羅生送嘅機會居高。
最重要一家人齊齊整。
大女小珍珠好可愛。
楊茜堯做咗媽咪後以家庭為重，觀眾期待她增加幕前演出。
立即下載｜全新《星島頭條》APP：https://bit.ly/3yLrgYZ
