黃翠如早前為其主持的旅遊節目到馬來西亞拍攝，近日節目出街，就見她到山上摘最愛的榴槤，而昨日（1日）她也在社交網公開拍攝花絮，第一次到榴槤園體驗的她，晒出穿上短褲大髀花晒的照片，今次原來不是被蚊咬，而是被榴槤襲擊，事關當地農民收割榴槤的方式，是從樹上直接割下，任由榴槤以滾動方式收集，因收割時疑未知攝製隊站在附近，其中一個榴槤從高處跌下時，如足球般彈起後滾動，翠如因閃避不及被擊中大腿，痛到慘叫並質問：「邊個係咁揼榴槤。」
翠如早前到馬來西亞拍旅遊節目。
日日晒腿。
見到榴槤飛埋嚟，唔知向左走定向右走。
避唔到中咗。
翠如的大髀被榴槤擊中花晒。
事後翠如上載該段花絮並留言：「第一次到榴槤園摘榴槤，第一次被榴槤擲中腳，大髀開了20個窿，第一次洗眼，第一次揸幾個鐘頭車為咗去食個瓦煲雞飯，第一次跟好朋友拍旅遊，很多馬來西亞的第一次，仍然很懷念，要看我大髀的那些傷痕嗎？謝謝給我這麼多第一次」。網民見到呢個畫面，覺得好搞笑，仲幸災樂禍問她：「有冇工傷可以claim？」
翠如好鍾意食榴槤。
翠如生日都要榴槤蛋糕。
網民讚翠如好腳法。
網民問有冇工傷？
立即下載 | 全新《星島頭條》APP : https://bit.ly/3yLrgYZ
