工友林先生坦言對逃過大難感好彩。
安達臣道塌天秤造成兩死多人重傷意外，有在場的工友坦言當時聽到隆然巨響，往外查看時已發現天秤塌下，「見到壓住個貨櫃，如果喺入面真係冇，未見過咁情形」，他又坦言對逃過大難感到「好彩」。
工友林先生是拆板工人，並不認識死者，死者應是機房工友，他指平時食飯時間會有4至5名工友在貨櫃內，貨櫃亦是給工友換衫地方，幸好未到食飯時間，否則貨櫃內應有更多人。他指工程開始不久，現在還在落石屎階段。
事發時林先生在地盤另一位置，突然聽到「嘭」一聲巨響，「我仲以為塌棚架，聽到啲人話『收工啦』出嚟見到天秤已塌下，壓住貨櫃頂，我都驚驚地，如果喺（貨櫃）入面真係冇！梗係好彩，我老細話遲啲開返工要買隻燒豬嚟。真係好彩！」
他直言若天秤「塌向地盤中央會好大鑊！」他不敢推測天秤倒塌原因，「唔知原因，唔敢講，唔清楚，咁大單嘢，要查清查楚，未見過咁情形，見到咁，係希望冇人喺入面，喺度就凶多吉少。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
