陳敏之近年瓣數多多，早年與朋友合資開曲奇餅店，主打健康曲奇禮盒，更一度擴充至10間分店，雖然曾被債主入稟申請清盤，後來又和解，現仍然有一家分店營運中。此外，敏之近來亦成立個人Youtube頻道，每集都會邀請不同嘉賓分享娛樂圈趣事，更吸愈5萬2追蹤者，成績理想。
早前，敏之就透露將踏入美容界，今日(8日)她於社交網上載多張照片，原來敏之為即將推出的個人護膚品牌去上堂增值自己，她寫道：「好耐都無試過做學生，坐定定咁讀書啦，好多朋友都問我，做咩無端端去咗返學，留意開我嘅都知道，我嘅個人護膚品牌，就快面世啦，咁我梗係要去上堂，增值下自己。」
敏之將踏入美容界。
絕對係生招牌。
好專業呀！
敏之仲有自己嘅YouTube Channel。
IG報喜。
好友留言恭喜。
陳敏之於IG報喜表示，一take 過成功考獲韓國認證師資課程證書，並續說：「上完堂，就到左我一世人最驚嘅環節，就係考證書，我真係好認真溫書，因為如果肥佬唔合格係一定要再考過，結果經過我嘅努力，好感恩一take pass。我成功攞到韓國認證師資課程嘅證書，真係好感恩，多謝裏面咁好嘅老師，同埋都要多謝自己，肯踏出呢一步。」相中見敏之對着書本，拿著一支支不同成份的液體在調劑護膚品，過程相當認真，不少圈中好友都紛紛留言送上祝賀，並表示期待她的護膚品牌面世。
立即下載｜全新《星島頭條》APP：https://bit.ly/3yLrgYZ
星島頭條App 經已推出最新版本，請立即更新瀏覽更精彩內容。
