《東張西望》今晚（17日）報道日前一名女網民於社交平台發文指，於將軍澳一街市魚檔購入海蜆，回家後先放置逾兩小時待其吐沙，並再清洗3次，豈料烹煮時竟出現藍色污水及黑色泥沙，一眾網民看過照片後直呼恐怖。
該名女網民見狀大驚，即時將所有海蜆棄丟：「倒晒唔敢食」。她估計大部分海蜆並不新鮮，並強調在烹煮前已徹底清洗3次，懷疑該魚檔將有問題的海蜆出售。不少網民留言：「中咗輻射咁款」、「不食為妙，你嘅決定係啱嘅」、「免禍害，應要報食環」等。
【點擊睇東張西望節目內容】：
《東張西望》今晚由吳幸美及區永權主持。
網民指海蜆見藍色水似中輻射。
有街坊估海蜆添加化學物。
蜆中黑色物體其實要進行吐沙。
藍色水到底是甚麼？
海鮮店東主（右）解釋原因。
原來關死蜆事。
或是受到污染。
因為污染而吐出來的水變成藍色。
點樣避免上當，海鮮店東主都有講解。
教睇海蜆生定死。
要睇海蜆識唔識噴水。
同埋海蜆有冇開合口。
節目找來另一海鮮店東主吳先生受訪，講解海蜆出現藍色污水及黑色泥的原因，再教市民如何揀蜆，避免上當。店東表示：「當中因為出現死蜆先出事，蜆本身已經死咗嘅話，就睇唔到裡面嘅污糟嘢。煮熟嘅過程都打唔開，就要搵隻手抆開，其實裡面本身有黑色嘢，就要吐沙，見到藍色嘅水，可能係蜆本身生活受到污染，或來自嘅地方受到污染，所以吐沙之後會出現藍色嘅水。」他續指在家中煮熟時，先要用水加少量鹽進行吐沙，讓蜆重新適應海水的鹹度，浸大概一小時，就可以完全吐乾淨，不過過程中要留意吐出來的水，會不會有其他顏色，可能是死蜆，或吐出來是黑色、藍色水。除了吐沙外，揀新鮮蜆要見到會自己噴水，同埋會自己開合口，就代表是新鮮。
【其他文章】
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
