李佳芯（Ali）為「耆智園」創作關注腦退化症的短片《伴》正式在網上首播，今次她豁出去，首次身兼演員、導演、監製及編劇四職，更碌盡人情卡、請資深導演兼演員張同祖飾演父女。由於Ali沒有製作經驗，四出「拍膊頭」找幕後朋友幫忙，初期更壓力爆煲差點放棄：「以為慈善project唔需要好多錢，所有嘢諗得太簡單，發現要搵到合適嘅人做合適嘅崗位真係唔易，好徬徨無助。老實講我一蚊都冇收，點解要攞苦嚟辛呢？」幸好最後找到電影編劇幫忙寫劇本，加上祖哥幕前幕後都不遺餘力地幫忙，令Ali總算放下心頭大石。
【點擊睇李佳芯的處女大作】：
李佳芯開咗條YouTube Channel。
網民留言。
網民留言。
網民留言。
同祖哥合作好愉快。
祖哥事前唔知邊個係李佳芯。
祖哥好耐冇拍嘢。
李佳芯今次係冇錢收。
做埋監製同導演。
邀請到多年未在幕前亮相的祖哥，Ali坦言如同過五關斬六將：「我托朋友介紹聯絡佢幫手時，佢真係唔知我係邊個嚟，亦冇睇過我嘅作品。我send資料畀佢後，過咗幾日見冇回音，我就膽粗粗約佢出嚟飲茶以表誠意，第一次見面佢已經畀咗好多劇本上嘅寶貴意見，最後見多幾次面後，終於打動到佢幫忙演出！」Ali大讚祖哥不但沒有計較酬勞，還無私分享執導經驗，在對方身上感受到對電影的執著和熱誠。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
