今年21歲的無綫小花黃瀅仴（Verena）在昨晚播出的《全城一叮》，於台上兩度換衫，與拍檔吳兆麟大跳拉丁舞，更上演「人肉風火輪」，服裝性感的她大方展露長腿，成功搶境，晉身決賽。黃瀅仴去年才從無綫藝員訓練班畢業，在劇集《回歸》、《愛．回家之開心速遞》都曾經出現過，但只是路人角色。不過她去年和今年都拍過無綫靈探節目《搵鬼去電視城》、《搵鬼同你瞓》，憑住驕人身材成功吸引觀眾注意。
【點擊睇黃瀅仴靚相】：
黃瀅仴原名黃翠瑩，去年仍以原名拍攝《搵鬼去電視城》，早前嫌自己名字太普通，找來師傅改藝名，果然有運行。黃瀅仴入行時間不多，但已經主持綜藝節目，又有機會拍劇，已經比同期學員多了不少機會，原來她自小已有演藝夢，曾想過到北京演藝學院讀書，但因為家人關係，選擇留港讀大學。
【相關閱讀】：全城一叮｜TVB小花跳辣身舞狂除3次衫 大騷長腿玩人肉風火輪睇到Bob嘩嘩聲
黃瀅仴就讀香港大學，她剛入讀藝訓班時，已有網民開post「港大孫志新女神Verena Wong參加藝訓班」，她亦是孫志新堂dance team成員之一，也曾是港大戲劇社成員，當時該網民更指：「隔住個mon已經feel到佢表演慾爆棚」。翻查她的IG見到她甚愛post靚相，又會貼跳舞片段，吸了不少like；除了香港人愛玩的IG，她更進軍內地網絡，在bilibili貼了不少vlog，包括日常在無綫的工作，與劉芷玲的跳舞片等。
去年黃瀅仴剛從藝訓班畢業就拍攝《搵鬼去電視城》，第二集時她突然被「鬼上身」，坐在地上大喊大叫，四肢抽搐。師傅立即上前按實她頭頂，擾攘一輪回復正常後，她看錄影片段才知道自己曾發生甚麼事。除了主持節目，黃瀅仴也有拍劇，但都是做路人角色，日前她拍攝新劇《婚後事》，雖然一樣是小角色，但有得發揮已經好開心。
【其他閱讀】：
美麗戰場丨陳山聰飾「金牌經理人」原來係黃柏高 狂飲酒戴圓眼鏡連神情都似晒
美麗戰場｜楊卓娜老公杜燕歌戴綠帽後嚎哭跪地 現實係韓馬利老公曾是華星歌手
盤點最可愛混血星二代！影帝大仔激似童年陳冠希 名模2子動靜勁得意
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
