無綫台慶劇《美麗戰場》上周首播，蔣家旻飾演「反骨琪」演技大爆發，奸到出汁，對杜燕歌飾演的繼父「鍾勝」見死不救，令人非常心寒，蔣家旻的演技亦獲得讚賞。蔣家旻昨晚（9日）在IG直播，多謝觀眾支持，更指自己不斷被鬧：「大家都鬧得好狠，大部份都好理性，但都收過一啲好似係我本人害死咗人咁。」
【點擊睇《美麗戰場》本周劇情】
蔣家旻感謝導演葉念琛撰寫的劇本，又大爆上周演技大爆發的場口，那句金句是臨時加插：「有一啲對白，我哋去到現場，導演再加啲再賤格啲嘅對白，星期五嗰集有句對白：『就當我今世欠咗你，下世先嚟考順你。』其實呢句係現場加落去，本身成份稿冇呢句對白，但加完個角色更加有立體感，更加賤格。」蔣家旻在直播透露今個星期劇情：「到禮拜尾，鍾嘉琪會返香港，佢將會參加香港小姐，參加港姐期間都會有啲賤格嘢出嚟，到時大家會睇到反骨琪會有另外一個演繹方法，唔係係咁爆，因為人前人後兩個樣。大家有睇預告嘅話，都見到反骨琪話佢19歲，即係中間隔咗幾年，演繹方法會有啲唔一樣，希望大家都會睇到。」
今日劇情：靜兒小美反目
今晚《美麗戰場》播出的第六集，劇情將會講到家寶（陳瀅飾）返家，驚見父親鍾勝（杜燕歌飾）出事。惠芳（楊卓娜飾）、家琪（蔣家旻飾）嚷着要離開，家寶質問惠芳、家琪，鍾勝之事可與二人及創發（吳家樂飾）有關。時間一轉至2006年，靜兒（劉佩玥飾）開始雜誌狗仔隊的工作，首天開工便弄傷腳，並到小美（陳曉華飾）父親的跌打館診治，得知小美男友裕進（丁子朗飾）的惡行，並勸小美三思，兩女卻反目收場。鍾勝曾替惠芳任擔保人四處借貸投資，惠芳下落不明，債主們要家寶代父還債……
【其他閱讀】：
獎門人｜曾淑雅身材高挑露纖腰 陳瀅朱晨麗著DeepV玩啜乒乓超性感
美麗戰場丨一文睇頭五集6大震撼畫面！杜燕歌捉奸在床 吳家樂楊卓娜床上纏綿
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
