陳曉華（Hera）在新劇《異空感應》中飾演一名警察，她指因角色要穿越時空，故收到劇本時睇到「爆頭」，要看三次兼做很多筆記才對角色較為理解。
Hera指由於今次角色需要打，故監製亦安排了她上武術堂，已上了兩星期堂的她笑說：「暫時都算合格，不過好耐冇做運動，加上之前韌帶撕裂，頭兩日整親條頸同大髀肌肉，令到之後嘅訓練都有啲辛苦，不過休息兩日之後就繼續練。」她更笑言自己為了角色，用了一個月時間特意壓低聲音說話，令自己感覺硬朗點及Man點，她又透露劇中將跟家樂一齊，問到是否有親熱戲？她説：「暫時未見到，不過劇本睇落都好sweet，對白好肉麻，搞到我好尷尬。（同《美麗戰場》嘅角色反差好大？）係，呢次係大人嘅戀愛，都好嘅兩種都試吓， 拍完套劇可能會知自己鍾意咩男人。」
陳曉華睇劇本要睇足三次加做筆記先睇得明。
拍攝前上武術堂整親條頸同大髀肌肉。
為演好角色，劇意壓低把聲講嘢。
陳曉華練到受傷，但休息兩日繼續練。
兩人在劇中是情侶。
提到Hera在《美麗戰場》中飾演的林小美是繼「反骨琪」後，最想被觀眾掌摑的角色，她笑言：「我拍時都覺得林小美好蠢，但細個啲嘅女仔，都可能會戀愛大過天，（現實中係咪咁？）梗係唔係啦，所以我而家覺得呢個角色好啱我，我現實中係男仔頭。」
陳曉華覺得《美麗戰場》中的林小美好蠢。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
