林海峰（Jan）昨晚到尖沙咀出席其主演電影《正義迴廊》首映禮，上次拍戲已是5年前的Jan被問到這套電影戲什麼吸引力時，他指除了製作班底外，當中也有很多舞台劇演員，令做舞台劇做到上癮的他很渴望跟他們合作，希望在眾人身上學到更多。
【點撃睇《正義迴廊》首映禮活動照】：
電影拍攝時正爆發新冠疫情，Jan指當時情況很緊張：「法庭戲喺密閉空間拍，劇本好沉重，無論現實或者戲都係喺壓力好大下完成，再加上當時仲要返電台，有事嘅話影響好大。」稍後Jan將會重演由潘燦良做導演的舞台劇《短暫的婚姻》，他笑稱今次是「如魚得水」，皆因電影中他跟蘇玉華合作，笑言自己被「兩公婆輪流招呼」，不過他指因戲中跟蘇玉華的對手戲不多，故打算找對方合作舞台劇，期望兩人到時有多點互動，Jan又謂因潘燦良今次的身份變為導演，故需重新認識對方，又透露2星期後會開始排練，問到是否期待演出？他說：「每次工作反而期待完成。」
早前Jan到英國跑馬拉松時獲途當地的港人打氣加油，他笑說：「跑馬拉松不嬲都係幫所有人打氣，不過我當咗佢哋係幫我，所以同我打招呼嗰陣我就回應，不過都窩心嘅。」提到太太彭羚今次也有一起到英國，Jan搞笑地指是偶遇太太：「有時要製造緣份，大家喺屋企都要扮撞到，成個人都青春晒，你知啦，對咗咁多年真係「又係你呀！」蘇玉華昨晚(18日)出席電影《正義迴廊》首映，首次飾演資深大律師的她坦言因角色很有挑戰性所以接拍，而且戲中很多演員也未合作過，導演何爵天首次拍戲就已經選擇那麼難的題目去拍，故更覺得需要支持。
蘇玉華指老公潘燦良也會前來捧場，而老公完成了50場舞台劇後現正休息，更透露兩人在月底將會前往蘇梅度假，享受陽光與海灘：「上次去旅行已經係2020年初，所以好興奮。（平時有冇廚煮多啲嘢食慰勞老公？）冇，反而出街食，因為佢演出期間我都係食自己。」
問到何時再演舞台劇，蘇玉華表示現時也有一些舞台劇、電視劇和廣告傾談中，她坦言會揀選比較有發揮和挑戰性才會做，但預計最快也要等到明年才接拍：「我而家喺浸大教緊書，都需要時間精神同心機。」蘇玉華又謂雖然疫情令很多人停下來，但對她來說沒有影響，反而在這段時間能嘗試新的事情，所以覺得好開心，而她又希望明年一切能回復正常，到時候做什麼也可以。
【其他文章】：
三代亞姐聚頭52歲梁琤冇濾鏡真樣曝光 驚現大細眼網民疑身體出事
鄧兆尊爆遭歌手白鴿眼！網民揪5嫌疑人 細眼笑片王童顏孫悟空都入榜
呂良偉姪女曾演《愛回家》 眼圓鼻高標準美女離巢TVB跟伯父北上掘金
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
