港股今日（24日）繼續大跌，恒生指數較早時跌超過1000點，跌幅超過5%，午後跌幅更不斷擴大。在網上討論區湧現多個「圍爐」帖文，不少人分享自己的「慘況」。而財經書作者龔成發文提醒，大市仍然偏弱，呼籲投資者不要「估底」。
請點擊組圖瀏覽：
恒生指數今日大跌，隨即引起熱議，更成為Google Trend的每日搜尋趨勢首位，有逾1萬搜尋。在連登討論區上，今日湧現多個與港股或恒生指數有關的帖文。網民分別以「千跌之日」、「港股咁跌法根本唔會有底」、「97後出世既巴打終於見證恒指跌穿成世人最低位」、「恒指穿15000倒數區」、「恒指跌穿十年低位 向13999 進發」等為題發文，並密切關注恒指今日的走勢。不少網民留言指，「全面睇淡」、「今日守到15000當贏啦」、「今日可以開到14500倒數區嗎？」、「傳說中既千跌」等。
相關新聞：
Juicy叮｜瞞家人炒股遇股市暴跌 失業「扮工」港男輸身家淪負家產：https://bit.ly/3N1otlu
港股市況｜港股午後曾瀉逾900點 美團阿里跌逾一成 (持續更新)：https://bit.ly/3F9t6bh
另外，網上亦有不少「圍爐」帖文，不少人分享自己或朋友的「慘況」。有人發文提到，自己一向靠直覺做事，而朋友則是「十成十嘅理論派」，並指自己早在幾個月前已告訴對方每隔10幾年必定會有大股災，又指兩個月前已提醒對方「咩都要止蝕，無論愛情、投資、賭錢，都係一樣，好多野係唔可以用理論去解釋」。樓主指，對方卻始於堅持己見，「又話股票係投資，跌完一定升返，唔會變零，唔同賭錢」，他指對方目前已蝕了幾千萬，並於今早致電樓主希望可借錢。
另有人以「鬥慘大會 呢個市輸左幾多？」為題發文，獲不少網民留言，指「輸70幾萬」、「輸左4萬，我係差唔多摸頂果時入，一跌即放，依家拎晒啲本去做定期」、「輸兩萬啦，月供收息股，息價全輸」等。另有人則以「3個月前比人炒失業 諗住靠儲蓄買股賺兩餐」為題發文，指原本從事IT行業，3個月前被人解僱失業，「暪住屋企人日日出去扮工」，因為短時間內轉了3次工，原本打算慢慢找下一份工作，因求職時被問長問短難以解釋，「本來想靠住25萬儲蓄炒股搵兩餐…」。結果今日恒指大跌，「存咗兩年一鋪清袋...因為唔識死孖展咗...今日輸哂所有錢...仲要負埋資產…」。
《80後百萬富翁》、《財務自由行》等財經書籍的作者龔成亦在社交媒體發文，指「大市仍偏弱，投資者不要估底，就算投資者想入市，一定要分注，不要一次過大手，不要用盡現金。同時有心理準備，買入後可能再跌，無人知幾時見底。」他又提醒投資者要做好風險管理，亦要量力而為。他又提到，短期風險大，而且股價上落大，但如果從長線角度來看，若是有質素的企業則仍可持有。
