政府於1993年開始逐步推行小學全日制，至今已全面推行多年。近日有網民在網上就小學讀下午班發文，吸引不少人留言談論半日制的利弊，當中有不少曾就讀下午班的網民對於一個缺點最有共鳴。
請點擊組圖瀏覽：
有網民在連登討論區以「有冇老野以前讀小學係番下午班?」為題發文，並詢問其他網民「嗰時番下午班係咪咩卡通都睇唔到」，相關帖文隨即引起熱議。不少在當年就讀小學下午班的網民分享自己及身邊朋友的經歷，並指「男朋友以前讀下午校，上晝拎嚟瞓覺、做功課、睇ETV，下晝返學，夜晚去網吧打機」、「9:30-11:30返補習，食完午餐，再返學」、「早上十點係趕功課時間」。有人指出讀下午班亦有好處，「當年返下午校都幾開心，朝早訓到自然醒，父母亦唔會催我去訓覺，每日放學返到屋企就開飯」、「小學返咗兩年下午校，好開心可以瞓晏啲」等。
另有不少人分享就讀下午班的不便及缺點，並指「我朋友就讀下午校，中一嗰陣就話返唔慣咁早，成日都請假」、「放學好似係五點八到 ，冬天個天黑晒」、「下午班啲老師有權留人堂到6、7點」、「以前小學返下午校返12點半放6點，有時仲要有埋補課補到6點9，返到屋企食埋飯沖埋涼都8點幾，仲要做功課果啲，根本完全冇時間玩同睇卡通片，有時仲要星期六都要返上晝學，長短週」等。
當中，不少曾就讀下午班的網民對於未能看動畫最有共鳴，紛紛表示「睇唔到數碼暴龍」、「啲卡通全部都要set定時間用錄影帶錄」、「下午校要星期六日先有卡通睇，所以如果閒日放假會好開心，可以睇下晝嘅兒童節目」等。有網民則補充指，雖然部分動畫會於早上重播，但指「上午卡通得舊野睇，新野一定係3至6播」。
另有就讀上午班的網民則留言分享就讀上午班的好處，並指「以前上午班番完學，下午去朋友到打機，爽到」等。另有人則認為半日制較全日制好，並指「覺得小學全日制真係好慘，根本係班老豆老母當托兒用，分上下晝班又唔會讀唔晒啲書嘅」等。
帖文來源：連登討論區
