日本10月11日開始通關，不少港人都急不及待「回鄉」，飛往日本旅遊，其中連登仔「新東寶翻譯製作」更已飛往日本展開一個6日5夜之旅，與心愛的AV女優來一個「親密的接觸」，之後決定寫遊記，與一眾巴打分享所見所聞。
「新東寶翻譯製作」在連登發文，主題為「日本開關第二日，我飛去見咗6個AV女優」。他指自己疫情前，他間中會前往日本參加AV女優的見面會及攝影會活動，當得悉日本通關後，立即籌備一個6日5夜的旅行，而當中3日是參加AV女優的活動，與6名女優相見，其中不乏一線女優，而他坦言今次出發主要是為了葵司，「簡單嚟講就係隔著個mon睇AV，同喺日本見到女優真人，係兩個截然不同嘅感受，再加上呢兩年嚟日文水平比起以前好咗唔少，所以一直都期望緊日本開關之日嘅來臨」。
●點擊睇「新東寶翻譯製作」遊日探AV女優之旅●
他指自己未有接種疫苗，所以出發前需進行一次PCR測試，當結果呈陰性才可以上機入境。首兩日，他都在東京市內購物消費，直到第3日他終於參加「Prestige當今一姐」的涼森玲夢（涼森れむ）的即售會活動，「意思即係冇限人數，只要你買完碟拎到飛，喺指定時間內入去排到隊，就有得入去玩。而且因為冇限人數嘅關係，你可以玩完一round之後再買碟拎飛再排過，你鐘意嘅可以loop到佢完event嗰一刻都得」。
他表示買1隻碟會送一張簽名劇照相及30秒攝影時間，買2隻有合照，買3隻就再多一張合照又或者一張指定動作的涼森玲夢即影即有相，所以他不加思索便買夠3隻作品可以與涼森傾偈影相，「個笑容又甜到出水...之後就到合照部分，我同佢講想影兩個人雙手貼實嘅pose，而家仲係後疫情時期，影合照嘅時候同女優中間都仲係要隔著塊亞加力膠板」。
直到傾偈環節，他向涼森玲夢指自己從香港遠道而來，更特意送上涼森她愛玩的劍球及香港蛋卷，逗得對方哈哈大笑。他其後指整個過程不足5分鐘，又溫提各位不懂日文的巴打不用擔心，「成個過程都會偏向流水式，冇個別簽名環節，冇得坐定定同女優盡訴心中情......你想像中嘅尷尬時間其實唔係咁長。只要你唔尷尬，尷尬嘅就可能係個女優，凡事都有第一次，而呢個第一次絕對值得你去嘗試」。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
