獨家丨江美儀爆林敏驄片場發脾氣玩匿埋 51歲再着黑絲怕被嫌老鬧「收皮」

2017年江美儀於TVB劇集《親親我好媽》首做女一，點知搞到滿城風雨，是非不絕。相隔5年，江美儀終憑台慶劇《下流上車族》得到反彈機會，劇集叫好叫座，更有望以大熱姿態衝視后。江美儀帶住正能量拍此劇，最大滿足感係零是非，跟劇組合作好開心，更笑住爆林敏驄扭計事件。江美儀的正向仲吸引埋梁洛施，主動DM她做朋友。採訪：方騫平攝影：譚志光髮型：Ivan Lee @ Headquarters 服裝：MARELLA

學佛後江美儀成日人唔同晒，踼走負能量煥然一新。

江美儀學佛令自己變成一個更好嘅人。

美儀𠵱家冇晒負能量。

江美𠏮坦言當年因為太急做錯好多嘢。

美儀變得人美心善。

10年前江美儀於台慶劇《名媛望族》中着黑絲情挑劉松仁成為經典一幕，10年後台慶劇《下流》，51歲的她再着黑絲及性感通花睡裙誘惑林敏驄。對於再着黑絲，她承認拍攝前有猶豫過：「𠵱家啲網民反應咁直接，唔鍾意就鬧，幾驚被話『咁老收皮啦你！』好彩反應OK。」

年過半百的江美儀再着黑絲，曾經擔心網民會嫌佢老。

江美儀着Bra演出，做開運動，身形非常好。

劇中江美儀有多場性感睡衣場口，驄哥竟然唔欣賞，叮囑她快啲拍完收工。

黑絲儀再出動。

着性感睡裙同林敏驄有牀上互動。

江美儀年過半百仲好有魅力。

10年前江美儀喺台慶劇《名媛望族》中，着黑絲情挑劉松仁成為經典一幕。

江美儀喺《殺手》中，都有展示美好身段。

《下流上車族》中江美儀同劇中囡囡齊着泳衣上陣。

劇組搞唔掂驄哥自己出馬

江美儀大爆拍擋林敏驄難以駕馭，劇組一搞佢唔掂就由佢出馬：「但佢好尊重我，會聽我講道理。其實林敏驄好似小朋友咁會包拗頸，好記得有次喺片場發生咗啲小誤會，佢發脾氣匿喺5樓休息室睇手機，我走上去𠱁佢『要唔要蘋果批、黑咖啡？加多個漢堡包呢…』跟住佢順返條氣後就打返畀我，詐嬌話『我冇嘢呀，玩佢哋啫！』激死人，佢月經到就用暖水袋敷肚喇！」

江美儀同林敏驄首次合作，兩人嘅感情戲好細膩，相當有火花。

首合作好擔心MSG表示不安

劇集開拍咗一日突然由黑仔(姜皓文)換入林敏驄，江美儀同驄哥未合作過難免有顧慮：「坦白講，拍前我有傳短訊畀林敏驄提佢『驄哥，呢套戲我好大壓力㗎，我51歲先再做主角，唔係成日有呢啲機會，我真係好認真對待件事』，點知佢好型咁回應我『我話嘅，一定得！』諗返轉頭我使鬼擔心咩，佢冇咁豐富感情點樣寫到千首情歌？」江美儀最難忘驄哥要她配合，加入情感拍兩公婆重修舊好的感情戲，睇到幕後都忍唔住喊：「驄哥𠵱家叫我做『助攻王』，佢覺得我嘅『角色』可以幫到人達到一啲嘢，仲話拍完嗰場戲，試到我唔係一個自私嘅人。」

呢場夫妻間真情剖白戲賺人熱淚，林敏驄都感激「助攻王」江美儀的配合。

戲裏戲外，劇中一家人相處融洽零是非。

江美儀拍此劇拍得好開心。

戲內似足一家人。

同梁洛施有緣成為好朋友

當年江美儀首做女一時是非不絕，傳過改劇本而驚動高層，更要停廠4日執靚劇本。舊事重提，美儀勇於認錯，坦言當年因為太急做錯好多嘢，自稱錯得好緊要的她有所覺悟，原來急同忟都無助件事：「經過反省，加上兩年多以嚟疫情嘅沉澱及宗教影響，𠵱家成個人都唔同晒，以前可以用舒服啲方式處理，而唔係堅持自己方法令人哋難受，𠵱家盡量保持正能量去幫人，因為咁，呢個劇冇是非，團隊好團結會互相幫助，拍得好痛快。」另外，對於梁洛施為她慶生，她又拆解兩人好友之謎，美儀笑說：「就係緣份到，所以做咗朋友！」原來梁洛施想跟美儀學佛打坐，所以主動喺IG DM她，兩人開始出嚟食飯講心事及講佛：「打坐令一個人可以定啲冇咁衝動，靜落嚟睇吓自己有啲咩唔好，令自己變成一個更好嘅人。」